Futbol millimizin kod adı: “Sülhsevər”

19:20 18-11-2020 | icon 526 | İdman
Futbol millimizin kod adı: “Sülhsevər”

Futbol üzrə Azərbaycan millisi UEFA Millətlər Liqasında növbəti mövsümü geridə qoyub. 

 

Versus.Az xəbər verir ki, Canni De Byazinin rəhbərliyi altında C qrupunda oyunlara çıxan komandamız keçirdiyi altı görüşdə bir qələbə, iki məğlubiyyət və üç bərabərlik əldə edib. 

 

İtaliyalı baş məşqçi milliyə avqust ayında gətirilsə də, bu müddət ərzində yalnız bir yoldaşlıq görüşü keçirə bildi. Bunu koronavirus pandemiyasının yaratdığı çətin vəziyyətlə izah etmək olar. 

 

De Byazinin bu məcburiyyəti onu rəsmi oyunlarda komandanı yoxlamağa vadar edirdi. Keçirilən altı rəsmi oyunda italiyalı mütəxəssis bir çox futbolçunu fərqli mövqelərdə yoxladı. 

 

Əlbəttə, ilk 11-liyi müəyyənləşdirmək üçün oyunçuları sınamaq və tanımaq italiyalı üçün çox vacib idi. Bundan başqa, ötən gün Lüksemburqla keçirilən görüş tarixi mənada bir çox statistik nəticələrlə də yadda qalıb.

 

Millimiz ilk dəfə idi ki, ardıcıl olaraq üç görüşdə nə qol vura bildi, nə də qapısından top buraxdı.

 

Əgər Sloveniya ilə yoldaşlıq görüşünü də nəzərə alsaq, bu rəqəm 4-ə yüksəlib. Bundan başqa, millimiz 17 noyabr tarixində sayca altıncı görüşünü keçirib. Yığma bu görüşlərdə iki qələbə, iki məğlubiyyət və bir bərabərlik əldə etmişdi.

 

Ötəngünkü heç-heçə isə, sözün əsl mənasında, bütün hesablara bərabərlik gətirib. İndi komandımızı Dünya çempionatı 2020-nin seçmə mərhələsi gözləyir. Artıq millimizin 5-ci səbətdə yer alacağı dəqiqləşib. 

 

Qeyd edək ki, püşkatma mərasimi dekabrın 7-də keçiriləcək. Yeni, gəncləşən və Canni De Byazinin prespektiv vədd etdiyi komandasına növbəti görüşlərdə uğurlar arzulayırıq.

Xəbər lenti

InvestAZ

Ən çox oxunan xəbərlər

Prezident və Birinci vitse-prezident Ağdama səfər ediblər - VİDEO

“Ağdamın yerində xarabalıq görmək məni çox incidir” - MÜSAHİBƏ

Biri şəhid, biri qazi olan qardaşlar - VİDEO

Cavidin timsalında şəhidlərimizə deyəcək bir sözümüz var: SAĞ ƏLİNİ BAŞIMA ÇƏK, ŞƏHİDİM!

ADI KİMİ VÜQARLI...

Nazirlik qazimizlə bağlı hərəkətə keçdi - FOTO

Ordumuz Kəlbəcərə iki istiqamətdə daxil olub

Kəlbəcər, xəyalların çin oldu, GÖZÜN AYDIN AZAD VƏTƏN!

Türkiyə səfirliyindən Azərbaycana təbrik - FOTO

Hərbçilərimiz Ağdamda Səxavət Məmmmədovun qəbrini tapdılar - VİDEO

Salam, əziz KƏLBƏCƏR, biz GƏLdik, biz BACARdıq!

Səfərbərliyə cəlb edilən tələbələrə akademik məzuniyyət veriləcək

Azərbaycanlı hərbçilər Kəlbəcərdə - FOTO

Xudaya yar olan şəhidimiz - VİDEO

Deputatın kömək etmək istədiyi ailədən xəbər var