"Diplomlu savadsızlar cəmiyyətə sırınır"

18:30 25-08-2023 | icon 927 | Cəmiyyət
"Diplomlu savadsızlar cəmiyyətə sırınır"

"Xüsusi qabiliyyətə malik şagirdlər peşə məktəblərinə yönləndirilsin"

 
 

"Yeni Xətt" Siyasi tədqiqatlar mərkəzinin növbəti toplantısı keçirilib. Toplantıda dünyada və respublikadakı ümumi ictimai-siyasi vəziyyət müzakirə olunub.

 
 
Versus.Az xəbər verir ki, bu barədə "Yeni Xətt" Siyasi tədqiqatlar mərkəzinin Mətbuat Xidmətinin məlumatında bildirilib.
 
 
Cəmiyyəti narahat edən problemlərə toxunulub. Ən aktual mövzulardan biri təhsil sahəsində olan əsas problemlərdən peşə məktəblərinin bugünkü vəziyyəti müzakirəyə çıxarılıb və bu sahədə olan nöqsanlar göstərilərək onların aradan qaldırılması məsələsi müzakirə olunub.
 
 
Qeyd edilib ki, bir neçə müddət əvvəl peşə məktəblərində ixtisaslı kadrların hazırlanması, onların istehsal sahələrində yerləşdirilməsi planlı şəkildə həyata keçirilirdi.
 
 
"Son on illər ərzində təhsil sahəsində aparılan siyasət nəticəsində peşə məktəbləri demək olar ki, tamamilə sıradan çıxıb. Bu da bugünkü gündə istehsal sahəsində ixtisaslı kadrların çatışmazlığına gətirib çıxarıb. Belə bir vəziyyətin yaranması diplomlu savadsızların universitetlər vasitəsilə cəmiyyətə sırınmasına səbəb olub. Buna görə də ali təhsilli savadsız işsizlərin sayı günbəgün artır"- deyə, tədbirdə bildirilib. Hesab edilir ki, bu problemlərin aradan qaldırılması üçün peşə məktəblərinin dövlət tabeliyində qalması şərti ilə günün tələbləri səviyyəsində bərpa olunmasi bu gün ən aktual mövzulardan biridir.
 
 
"Bu proses yerinə yetirilərsə, universitetlərdə savadsız ali təhsillilərin lazımsız yerə buraxılması məsələsi həll olunar. İlk növbədə ölkədə fəaliyyət göstərən şirkət və dövlət qurumlarına yetişdirilmiş mütəxəssilər hazırlana bilər"- deyə qeyd edilib.
 
 
"Yeni Xətt" siyasi tədqiqatlar mərkəzi peşə məktəblərinin yenidən bərpa olunmasını və onların statuslarının artırılmasını təklif edir:
 
 
"Həmin məktəblərə qəbul olunan tələbələrin gələcəkdə dövlət tərəfindən ixtisasına uyğun təmin olunması nəzərə alınsın. Orta məktəblərdə elmi biliklərə yiyələnə bilməyən, öyrənmə qabiliyyəti zəif olan, amma fitri istedada, xüsusi qabiliyyətə malik olan şagirdlərin seçilməsi, uyğun peşə məktəblərinə yönləndirilməsi tövsiyyə olunur. Bu, ölkəmizin gələcəkdə daha da inkişaf etməsinə təkan verə bilər".
 
 
PƏRİ
Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol