“Neftçi” türk əsilli hücumçunu transfer etdi

“Neftçi” hücumçu transferini rəsmiləşdirib. 

Klubun rəsmi saytının məlumatına görə, türk əsilli bolqarıstanlı futbolçu Ahmed Ahmedovla mövsümün sonunadək müqavilə imzalanıb. 

Bolqarıstanın ÇSKA (Sofiya) klubuna (2020-2021; 17 oyun, 1 qol) məxsus olan 25 yaşlı futbolçu icarə əsasında “Neftçi”nin heyətində çıxış edəcək.

Ahmed Ahmedov Bolqarıstanın “Çernomorets” (2013-2014), “Neftoximik” (2014-2015; 18 oyun, 2 qol), “Pomorie” (2015-2018; 85 oyun, 25 qol), “Dunav Ruse” (2018-2020; 49 oyun, 14 qol) klublarında çıxış edib.

A.Ahmedov “Neftçi”də oynayacağı üçün xoşbəxt olduğunu, klubun uğurları üçün əlindən gələni edəcəyini deyib. O,  mövsümün sonunda “Neftçi” ilə çempionluq əldə edəcəyinə inandığını qeyd edib.

Bolqarıstanlı futbolçu hazırda sənədləşmə işlərinin aparıldığını bildirib və gələn həftə Bakıya gələcəyini bildirib.