Teymur Rəcəbov “Opera Euro Rapid”in yarımfinalında
578 |
İdman
“Champions Chess Tour” çərçivəsində keçirilən “Opera Euro Rapid” turnirində 1/4 final mərhələsinə yekun vurulub.
Mərhələnin ikinci matçları çərçivəsində Azərbaycan şahmatçısı Teymur Rəcəbov da Niderland qrossmeysteri Aniş Giri ilə cavab görüşünə çıxıb.
Bu matçda da ilk qarşılaşmada olduğu kimi, 2:2 hesabı qeydə alınıb.
Hesab bərabər olduğundan şahmatçılar blitsdə güclərini sınayıblar. İki oyunun nəticəsinə görə qrossmeysterimiz üstün olub (1,5:0,5) və növbəti mərhələyə yüksəlib.
Onun yarımfinaldakı rəqibi ABŞ təmsilçisi Uesli So olacaq.
Digər yarımfinal görüşündə isə Maqnus Karlsenlə (Norveç) Maksim Vaşye-Laqrav (Fransa) üz-üzə gələcək.
Qeyd edək ki, yarımfinal matçları isə fevralın 11-12-də olacaq.
Turnirə isə fevralın 14-də yekun vurulacaq.
Xəbər lenti
Kirəcləşmə, duzlaşma oynaq xəstəliyi - osteoartrit
“Qığırdaq aşındıqca oynaq yükdaşıma, hərəkət kimi funksiyalarını itirir”
