Həkim: "Yığışdırın bu dalğa oyunlarını, nə olacaqsa olacaq"

"Dalğa oyunları ilə insanları stressə salmayın. Azərbaycanda cəmi bir epidemik alovlanma olub. Bizdə karantin sərtləşdiriləndə yoluxma azalıb, yumşaldılanda artıb. Bu, dalğa deyil".

Versus.az xəbər verir ki, bu sözləri həkim Aydın Əliyev son günlər koronavirusun 4-cü dalğası ilə bağlı yayılan məlumatlara cavab olaraq qeyd edib.

“Dalğa” odur ki, eyni karantin şərtlərində yoluxma artıb-azalsın. Dördüncü dalğa proqnozu verənlər bir az düşünsün. Pandemiya bitər-bitməz əksər insanlarda psixi-nevroloji problemlər ciddi şəkildə artmaqdadaır. Yenidən insanları stressə salmaq olmaz! Bu, ciddi fəsadlar yarada bilər. Yığışdırın bu dalğa oyunlarını! Nə olacaqsa olacaq. Situasiyaya uyğun davranılmalıdır. Yoxsa su gəlməmiş çırmanırıq yenə?”