“İran müsəlmanları qətlə yetirən cinayətkarlara dəstək verib”
Asim Mollazadə: “Bu, islam dəyərlərinə ziddir”
“Mən özüm işağal zamanı Qarabağda olanda hər yerdə İran maşınlarını, İran vətəndaşlarını görürdüm. Bu özlüyündə onu göstərir ki, İran müsəlmanları didərgin etmiş, 10 illərlə müsəlmanı qətlə yetirmiş, məscidləri dağıtmış ermənilərə dəstək verir və bu, islam dəyərlərinə ziddir”.
Versus.Az xəbər verir ki, bunu Milli Məclisin deputatı Asim Mollazadə İrandan Ermənistana və Qarabağa separatçılara tırlar vasitəsilə yüklər daşınmasına münasibətdə bildirib.
A.Mollazadə hesab edir ki, Azərbaycan İran maşınlarını sərhəddə saxlamaqla yanaşı, bu barədə bütün İslam təşkilatlarına məlumat verməlidir:
“Söhbət ondan gedir ki, İran işğalçı rejimi müsəlmanları qətlə yetirən cinayətkarlara dəstək verib və bu da davam edir. Biz İranın burda erməni terroruna verdiyi dəstəyi beynəlxalq təşkilatlara bildirməliyik. Bu, hərbi münaqişəni yenidən canlandırmağa verilən dəstək kimi dəyərləndirilməlidir”. /hafta.az/
SEVDA
Versus.Az
Xəbər lenti
Fuad Muradov 7 kişini şantaj etdi və...
İntim video, şəkillər və digər vasitələrlə şantaj edib