Xocavənddə baş verən qəzadan xəbər var
398 |
Qarabağ
Dünən axşam saatlarında Əhmədbəyli-Füzuli-Şuşa avtomobil yolunun tikintisi işlərini həyata keçirən subpodratçı “Kolin İnşaat Turizm Sənaye və Ticarət” şirkətinə məxsus xidməti avtobusun qəzaya uğraması nəticəsində müxtəlif dərəcəli xəsarətlər almış 16 nəfər ilkin tibbi yardımdan sonra Bakı Sağlamlıq Mərkəzinə təxliyə edilib.
Versus.Az xəbər verir ki, bununla bağlı TƏBİB-dən bildirilib.
Füzuli Rayon Mərkəzi Xəstəxanasından verilən məlumata görə isə yaralılardan beş nəfər xəstəxanada, həkim nəzarətində saxlanılır. Onların vəziyyəti stabildir.
Qeyd edək ki, qəza nəticəsində axşam növbəsinə gedən işçilərdən xəsarət alanlar olub. Hadisənin baş vermə səbəbləri və digər detallar barədə hələlik rəsmi məlumat açıqlanmayıb. /oxu.az/
Xəbər lenti
Almaniyada maraqlı hadisə
Göyərçin 200 sürücünü yeraltı dayanacağa kilidlədi
