471 |
Təhsil
Aqrar sahədə kadr hazırlığına dəstək məqsədi ilə Azərbaycan Dövlət Aqrar Universitetində “Agro Dairy” MMC tərəfindən tələbələr üçün tədbir keçirilib.
Dünən Azərbaycan Dövlət Aqrar Universiteti (ADAU), Aqrar Xidmətlər Agentliyi (AXA) və “Agro Dairy” əməkdaşlığının genişləndirilməsi və inkişafına həsr olunmuş tədbir keçirilib.
Tədbirdə ADAU-nun professor, müəllim və tələbə heyəti, Aqrar Xidmətlər Agentliyinin, həmçinin, “Agro Dairy” şirkətinin əməkdaşları iştirak edib.
Tədbirin əsas məqsədi ADAU-nun professor, müəllim və tələbə heyətinə “Agro Dairy” şirkəti tərəfindən ölkədə iri taxılçılıq təsərrüfatının yaradılması və fəaliyyətinə həsr olunmuş təqdimat keçirmək, müasir k/t ixtisaslarına, k/t mütəxəssislərinə olan ehtiyaclar, tələbatlar barədə müzakirə aparmaq, həmçinin, ADAU-nun gənc mütəxəssislərinin, o cümlədən bakalavr, magistrant və doktorantlarının “Agro Dairy” şirkətində işə cəlb olunması məsələlərinin müzakirə edilməsidir.
