Şuşadan FOTOREPORTAJ

44 günlük Vətən müharibəsi ilə azadlığına qovuşan Şuşada təmir-bərpa işləri aparılır. 

Versus.Az oxu.az-a istinadən Azərbaycanın mədəniyyət paytaxtı Şuşadan hazırlanmış reportajı təqdim edir: 

Hamar yollarla rahatlıqla Şuşaya çatırıq. Şəhərdə intensiv təmir-bərpa, quruculuq işləri gedir. 

Şuşadakı üç məscid Heydər Əliyev Fondu tərəfindən bərpa edilir, yeni məscidin inşası yaxın aylarda başlanacaq. Eyni zamanda ermənilər tərəfindən tamamilə yararsız vəziyyətə salınan bulaqların da bərpası aparılır. Şəhər içməli su, elektrik enerjisi və mərkəzləşdirilmiş istilik sistemi ilə 24 saat, fasiləsiz təmin olunur. 

Bundan başqa, Şuşadakı Qala divarlarının da restavrasiya işləri başa çatmaq üzrədir. Şəhərdə həmçinin, 960 şagirdlik məktəb, 90 çarpayılıq xəstəxana inşa edilir.

Məlumatlara görə, memarlığı saxlanılmaq şərti ilə əsaslı şəkildə təmiri planlaşdırılan keçmiş poçt binasında “ASAN xidmət”, DOST mərkəzi və əhaliyə xidmət göstərən digər qurumlar yerləşəcək. Yaxın vaxtlarda Şuşada yeni beşulduzlu hotelin inşasına başlanılacaq. 

Şuşada dahi Bülbülün ey muzeyi bərpa olunub, Səməd bəy Mehmandarovun ev muzeyində isə işlər davam etdirilir. Həmçinin şəhərdə Üzeyir bəy Hacıbəylinin heykəli, Molla Pənah Vaqifin büstü qoyulub. 

Bildiyimiz kimi, Şuşada yaşayış məhəlləsinin təməli qoyulub. Şəhərdə evlərin inşasına start verilib. 

Bir sözlə, şəhərdə möhtəşəm işlər görülür, Şuşa dirçəlişə doğru sürətlə addımlayır. Qısa zamanda 30 il əvvəlki Şuşanı müasir görkəmdə görəcəyimizə ümid edirəm. 

Şəhərdə çəkilən fotoları təqdim edirik: