Maşın vuran BDU tələbələrindən XƏBƏR VAR

Bakı Dövlət Universiteti Nərimanov rayonunda yol qəzası zamanı xəsarət alan tələbələrlə bağlı açıqlama verib.

İctimaiyyətlə əlaqələr və informasiya şöbəsinin müdiri Kəmalə Quliyeva bildirib ki, universitetiin üç tələbəsi qəzaya düşüb:

“Onlar Sosial elmlər və psixologiya fakültəsinin tələbələridir. Sınıq xəsarətləri alıblar və hazırda evdədirlər”.

Qeyd edək ki, 2001-ci il təvəllüdlü Mehdizadə Orxan İlqar oğlu, 2003-cü il təvəllüdlü Müzəffərov Vaqif Səfdər oğlu və 2001-ci il təvəllüdlü Məmmədov Rufan Zaur oğlu yolu keçərkən onları taksi fəaliyyəti ilə məşğul olan sürücünün idarə etdiyi “Toyota” markalı avtomobil vurub. Ağır xəsarət alan yaralılar xəstəxanaya yerləşdiriliblər.

Faktla bağlı Nərimanov Rayon Polis İdarəsində araşdırma aparılır.

Qeyd edək ki, xəsarət alan hər üç şəxs Bakı Dövlət Universitetinin 4-cü kurs tələbəsidir. /oxu.az/