Yaşı 65-i keçən müəllimlər də işdən çıxarılacaq?

13:46 23-05-2022 | icon 431 | Təhsil
Yaşı 65-i keçən müəllimlər də işdən çıxarılacaq?

Dövlət qurumlarında çalışan və yaşı 65-dən yuxarı olan şəxslər güzəşt olunmadan təqaüdə göndərilir. Belə ki, bir çox qurumlar dövlət qulluğuna qəbul olmaq istəyən gənclərə şərait yaradılması, vakansiyaların artırılması məqsədilə pensiya yaşına çatmış kadrlarla yollarını ayırır.  

 

Bundan əvvəl təcrübəli kadrların işə davam etməsi üçün onlara əlavə bir neçə il güzəşt edilirdi. Hazırda bu tendensiya nisbətən aradan qaldırılır, nəticədə gənclərə yeni iş imkanları yaradılır. 

 

Mövcud tapşırıqların təhsil müəssisələri ilə bağlı veriləcəyi gözlənilir. Məlum olduğu kimi, bu ildən orta məktəbdə çalışan müəllimlərin sertifikasiyası üzrə imtahanlar keçiriləcək və 65 yaşa qədər şəxslərin sertifikasiyada iştirakı nəzərdə tutulub. 65 yaşdan yuxarı müəllimlər isə könüllü şəkildə sertifikasiyada iştirak edə bilərlər. Amma bu müzakirələrdə iddia olunan məqamlardan biri də sertifikasiyadan keçə bilməyən müəllimlərin işdə saxlanmayacağıdır. Belə olan halda 65 yaşdan yuxarı şəxslər, öz üzərində işləməyən və imtahandan keçə bilməyən müəllimlər pensiyaya çıxmağa məcbur olacaqlar.

 

Bütün təhsil müəssisələrində yaşı 65-dən yuxarı olan müəllimlərin pensiyaya göndərilməsi mümkündürmü? 

 

 

Milli Məclisin Elm və təhsil komitəsinin üzvü Etibar Əliyev düşünür ki, orta məktəb müəllimlərinə belə qərar tətbiq edilsə, bu, müvafiq olaraq ali məktəblərdə çalışanlara da şamil olunmalıdır. 

 

Deputatın fikrincə, bəzi universitetlərdə ötən əsrin 70-80-ci illərindən bəri kafedra müdiri olan şəxslər çalışır:

 

“Təxminən 42-45 ildir bu vəzifələri tutan adamlar var ki, getmək istəmirlər. Onlar əvəzolunmaz şəxs kimi qəbul olunurlar. Bəlkə də, özləri bilərəkdən mütəxəssis, yeni kadr hazırlığına imkan verməyiblər ki, onların yerinə göz dikən də olmasın. Amma orta məktəb müəllimi 65 yaşı varsa, yaxşı müəllim kimi özünü doğruldubsa, onu kənarlaşdırmaq olmaz. Ola bilər, seçimdə subyektivliyə yol verilsin. Keyfiyyət ölçüləri, müəllimin dərsinə qiymət verilməsi vacibdir. Başqa tərəfdən yaxşı müəllimlərin yetişməsində müəyyən arakəsmələr olub. Məsələn, bir dövrdə çoxlu yaxşı müəllim yetişib, amma növbəti dönəmdə bu, davam etməyib. Ona görə də yaxşı müəllimlərin nə qədər çox olmasını diqqətə almaq mütləqdir”.

 

Etibar Əliyev onu da qeyd edib ki, müəllimlərin pensiyaya göndərilməsi ilə bağlı qərar olarsa, ölkə ərazisində bütün təhsil müəssisələrinə şamil edilməlidir. Məsələn, Gəncədə, yaxud Bakıda belə addım atıb, digər bölgələrdə buna diqqət etməmək düzgün deyil:

 

“1981-ci ildə yapon kimyaçısı Keniçi Fukui Nobel mükafatı alıb. Həmin vaxt onun 62 yaşı var idi. K.Fukui müsahibələrinin birində deyib ki, Nobel aldığıma sevinirəm, amma işlədiyim universitetdən ayrılacağıma görə kədərliyəm. Fikir verirsiniz, universitet onu saxlaya bilərdi, ancaq Nobel mükafatı alan alimi belə təqaüdə göndəriblər. Avropada, Amerikada universitetlərdə 80-90 yaşında məsləhətçilər çalışır. Sadəcə, onlar daim öz üzərində işləyirlər. Bizdə də belə olmalıdır. Müəllim əgər öz üzərində işləmirsə, istər orta məktəbdə olsun, istər ali məktəbdə, yaşından asılı olmayaraq o, qocadır”.

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Ən sürətli qol

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin