“Bayrağımızda əks olunan rənglərə uyğun siyasət aparılmalıdır”

Noyabrın 8-də KXCP qərargahında Siyasi Partiyaların Əməkdaşlıq Mərkəzinin növbəti yığıncağı keçirilib. Yığıncaqda KXCP sədri Mirmahmud Mirəlioğlu, Azadlıq Partiyasının sədri Əhməd Oruc, Aydınlar Partiyasının sədri Qulamhüseyn Əlibəyli, BAP sədri Elşad Musayev, Liberal Demokrat Partiyasının sədri Fuad Əliyev iştirak edib.

Versus.Az xəbər verir ki, Əməkdaşlıq Mərkəzi noyabrın 15-də saat 12-də KXCP qərargahında 17 noyabr Milli Dirçəliş günü ilə bağlı keçiriləcək Dəyirmi Masanı müzakirə edib. İlk öncə Azadlıq hərakatında hayatını itirənlərin xatirəsi yad edilib, onlara Allahdan rəhmət diləyiblər. Qərara alınıb ki, Milli azadlıq hərakatında xidməti olan hər kəs Dəyirmi Masaya dəvət olunsun.

Əməkdaşlıq Mərkəzi Bayraq günü münasibətilə Azərbaycan xalqını təbrik edib. Hesab edilib ki, bayrağımızda əks olunan rənglərə uyğun siyasət aparılmalıdır ki, ölkədə milli maraqlarımız, demokratiya, insan haqları təmin olunsun.

Bundan başqa ölkədəki içtimai-siyasi vəziyyət, gündəmin digər aktual məsələləri müzakirə olunub.

Nilufər
Versus.Az