Tünzalə Ağayeva “Dream fest”in qırmızı xalısında
Xalq artisti Tünzalə Ağayeva “Dream fest”də iştirak edib.
Versus.Az xəbər verir ki, pop ulduz təqdirəlayiq addım ataraq qırmızı xalıdan məhz fiziki məhdudiyyətli insanlarla keçib.
Füsünkar görünən sənətçi qırmızı xalı üçün mavi geyim seçib.
Jurnalistlərin suallarını cavablandıran star fikirlərini dilə gətirib:
“Bu gün tək deyiləm. İstədim ki, cəmiyyətimiz tək ulduzlarımızı yox həm də həyatımızın əsas ulduzkarını görsünlər. Elə məhz buna görə də qərara gəldim ki, “Dream fest”in qırmızı xalçasından tək keçməyim, yanımda Nicatla Hüseyn olsun. Onlar çox istedadlıdırlar. Nə qədər ki, səhnədəyəm, mən daim onların yanında olacağam. Bu da cəmiyyətə bir mesaj olsun. Biz hamımız eyniyik, uğurluyuq. Fərqi yoxdur necə dünyaya gəlmişik. Allah hər birimizin yolunu açıq etsin”.
Qeyd edək ki, festivalın bağlanışında səhnə alan pop ulduz Sea breeze”n səhnəsinə çıxaraq ən məşhur hitlərini səsləndirib. Ağayeva “Dünya səndən ibarət”, “Gözləyirəm” və “Bir də baxım” mahnılarını ifa edib.
Pop ulduzun çıxışı böyük izdihamla qarşılanılıb.
Ayəndə Dadaşova
versus.az
Xəbər lenti
Sümükləri bərkidən "Yaşıl süd"
Hüceyrələri zülalla təmin edib, immuniteti möhkəmləndirir