"Seçkilər eyni ildə, eyni gündə keçirilsə..."

Azərbaycan Liberal Demokrat Partiyası (ALDP) Sədr Aparatının iclasını keçirib. Versus.Az-a ALDP-dən verilən xəbərə görə, İclasda ictimai-siyasi vəziyyət və Milli Şuranın sentyabrın 23-də keçirilən mitinqi müzakirə olunub.

ALDP sədri Fuad Əliyev bildirib ki, partiya üzvlərinin Milli Şuranın keçirdiyi mitinqdə aktiv iştrakı təqdirəlayiq hesab etmək olar:

“Biz kimin təşkil etdiyi mitinqi yox, orda səslənən şuarları dəstəkləyirik. Çox təəssüf ki, bu qədər sosial problemlərin mövcüd olduğu bir vaxtda vətəndaşlar mitinqə dəstək vermədilər, digər partiyaların üzvləri də mitinqə goşulmadılar. Bizim bu mitinqdən gözləntilərimiz çox idi, amma istədiyimiz kimi alınmadı”.

Daha sonra ictimai-siyasi məsələlər müzakirə edilib. Bələdiyyə və parlament seçkilərinin eyni gündə keçirilməsilə bağlı təşəbbüsün irəli sürülməsi müzakirə olunub. Çıxış edənlər qeyd ediblər ki, 3 il ərzində dalbadal keçirilən seçkilərə milyonlarla pul xərclənir. Bu milyonlara qənaet etmək üçün bələdiyyə və parlament seçkilərinin eyni ildə, eyni gündə keçirilməsini məqsədəuyğun hesab etmək olardı.

Bununla bağlı dövlət başçısına təkliflər paketin hazırlanması partiyanın hüquq şöbəsinə tapşırılıb.

Nilufər
Versus.Az