““Üzvlərimiz iştirak edəcək, partiyamız isə yox” fikri məntiqsiz yanaşmadır”

“Partiyalar kiminsə dəvətinə görə yox, aksiyada səslənən şüarlara görə tədbirə qatılmalıdır”

“Azərbaycan Liberal Demokrat Partiyası (ALDP) Milli Şuranın mitinqində maksimum dərəcədə iştirak edəcək. Aksiyaya mən də qatılacağam”.

Bunu Versus.Az-a ALDP sədri Fuad Əliyev mitinqə qatılan partiyaların qeyri-müəyyən mövqeləri ilə bağlı açıqlamasında bildirib:

“Bir çoxları öz üzvlərinin aksiyada iştirak edəcəyini, partiya olaraq isə qatılmadıqlarını bildiriblər, bu məntiqsiz yanaşmadır. O zaman o üzvlər hansı partiyaya aiddir. Əgər partiya üzvlərinin iştirakı ilə bağlı qərar verilibsə, demək partiya iştirak edir”.

F.Əliyev hesab edir ki, partiyalar kiminsə dəvətinə görə yox, aksiyada səslənən şüarlara görə tədbirə qatılmalıdır:

“Çünki orada səslənən şüarlar hamımızındır. Biz kiminsə dəvətinin yox, o problemlərin həllinin ardınca getməliyik”.

Ləman
Versus.Az