ALDP-dən Myanmar hadisələrinə etiraz

“Bu, müsəlmanlara, insanlığa qarşı növbəti bir faşizmdir. Bütün dünya müsəlmanları birləşib, bu məsələyə öz kəskin reaksiyasını verməli və bu vəhşiliyə son qoyulmalıdır”.

Bunu Azərbaycan Liberal Demokrat Partiyasının sədri Fuad Əliyev Arakan müsəlmanlarına qarşı genosidlə bağlı Versus.Az-a açıqlamasında bildirib.

Bütün dinlərə hörmətlə yanaşdığını və bütün dinlərə aid yetərli məlumatlar öyrəndiyini bildirən Fuad Əliyev buddistlərin belə bir vəhşiliklər törədə biləcəyini təsəvvür edə bilmədiyini deyib:

“Gözləməzdim ki, bu qədər sakit, sülhpərvərliyi ilə təbliğ olunan buddistlər belə bir vəhşilikləri törədə bilsin. Sosial şəbəkələrdə, xəbər saytlarında müsəlmanlara, insanlığa qarşı yönələn çox dəhşətli mənzərələrlə qarşılaşdıq. Bu, onların təbliğ etdiyi ideyalarla qəti uyğun gəlmir”.