Bu partiyalar bir araya gəldi

İyulun 12-də Azadlıq, Aydınlıq, ALDP, ADP, AXP, KXCP, BAP, VİP – Partiya və “Ağ blok” sədrlərinin birgə yığıncağı keçirilib.

ALDP-nin mətbuat xidmətindən Versus.Az-a verilən məlumata görə, yığıncağa Azadlıq partiyasının sədri Əhməd Oruc sədrlik edib.

Öncə ərazisi işğal olunmuş rayonlardan olan, 2017-ci il yanvarın 1-dən əməkhaqqıları verilməyən təhsil, səhiyyə işçilərinin nümayəndələri ilə görüş keçirilib. Həmin şəxslərin probleminin həlli üçün partiyaların hansı dəstək verəcəyi məsələsi müzakirə olunub, fəaliyyətin koordinasiya olunması barədə razılığa gəlinib. Partiya sədrləri 7 minə yaxın ailənin dolanışığının kəsilməsini doğru hesab etmədiyini, hakimiyyətin aztəminatlı təbəqəyə qarşı münasibətinin heç bir normal məntiqə sığmadığını bildiriblər.
Daha sonra ölkədəki ictimai-siyasi vəziyyət müzakirə olunub.
Eyni zamanda, Pusiyanın Azərbaycana qarşı diplomatik normalara uyğun olmayan təzyiqləri pislənilib, belə bir vəziyyətin yaranmasının Azərbaycan hakimiyyətinin uğursuz fəaliyyətinin nəticəsi olduğu bildirilib.
Partiya sədrləri Ermənistanın Füzuli rayonunda dinc əhalini atəşə tutmasını erməni faşizminin növbəti təzahürü kimi qiymətləndirib, Azərbaycan hakimiyyətindən ölkənin ərazi bütövlüyünün və vətəndaşların təhlükəsizliyinin təmini üçün əməli addımlar atması tələb olunub.

Ləman
Versus.Az