Qəbrin nurla dolsun şəhidim...

13:19 16-09-2019 | icon 561 | Şəhidlər və şahidlər
Qəbrin nurla dolsun şəhidim...

Bakir Mürsəlov

Qərinələr ötsə belə, nəsillər bir-birini əvəz etsə belə, öz qanları ilə dastan yazan şəhidlərimiz, torpaq uğrunda canlarından keçən oğul və qızlarımız heç vaxt unudulmur. Onlardan biri də şəhid MUSAYEV RAMİZ RƏHİM oğludur.

15.11.1962-ci ildə Laçın rayonunun Vağazin kəndində sadə kəndli ailəsində dünyaya göz açmışdır. 1969-cu ildə Vağazin kənd orta məktəbinin 1-ci sinifinə daxil olmuş, 1979-cu ildə həmin məktəbin 10-cu sinifini bitirmişdir. 1979-cu ildə Rusiya Federasiyasının Rostov şəhərinə getmiş və orada sürücülük məktəbində,sürücülük təhsili almışdır. 1980-ci ildə keçmiş Sovet ordusu sıralarına çağrılmış, 1982-ci ildə ordu sıralarından tərxis olunmuşdur. Həmin ildən Bakı şəhər Qafqaz Enerji Quraşdırma Trestində sürücü kimi fəaliyyətə başlamışdır. Məlum hadisələrlə əlaqədar 1992-ci ildə Dağlıq Qarabağda gedən döyüşlərə biganə qalmamış,könüllü olaraq ilk döyüş yolunu Füzuli rayonunun ərazisindən başlamışdır. 1992-ci ilin iyun ayından Laçın rayonunun ərazisində döyüşən 713 saylı Laçın könüllülər Batalyonun tərkibinə qoşularaq ikinci rotasında döyüşmüşdür. Kəlbəcər istiqamətindən Laçının 42 kəndinin erməni quldurlarından təmizlənməsində, Ağdərə rayonunun Vəng əməliyyatında şəxsən iştirak etmişdir və igidlik göstərmişdir. 22.09.1992-ci ildə Laçın rayonunun Hoçaz dağı uğrunda gedən döyüşdə qəhrəmancasına şəhidlik zirvəsinə ucalmışdır. Allah rəhmət eləsin. Hal hazırda Ramizin adı dövlətimiz tərəfindən əbədiləşdirilmiş, oxuduğu Vağazin kənd orta məktəbi Ramiz Rəhim oğlu Musayevin adına verilmişdir. Ramizin bir qızı,bir oğul övladı var. Allah övladlarını qorusun. Ramiz mərd,igid,olduqca vətənpərvər,qorxmaz döyüşçü kimi biz döyüş yoldaşlarının,çox etikalı,səmimi və gülərüz insan kimi xalqımızın qəlbində əbədi olaraq yaşayacaq.

Allah yaxınlarına səbr versin. Qəbrin nurla dolsun şəhidim...

 

Versus.Az

 

Xəbər lenti

InvestAZ

Ən çox oxunan xəbərlər

Deputat bu gün vəfat edən jurnalistdən YAZDI

Azərbaycanlı Marqarita Simonyan - SEVİNC OSMANQIZI

HƏKİM: “Toksaplazmoz anadangəlmə və qazanılma olur”

İcra Hakimiyyətinin özbaşınalığı və NİZAMİ-7 MMC-yə vurulan zərər

Prezident QURBAN BAYRAMI münasibətilə xalqı təbrik edib

Türkiyə hərbçilərinin təntənəli qarşılanma mərasimi keçirilib - VİDEO

Qənirə Paşayevadan Əkbər Qoşalının şəhid generalla bağlı təklifinə DƏSTƏK

“Alqışlar, Sevinc Osmanqızı, xaricdəki missiyadaşlarından bir xal irəlidəsən”

Pis vəkil, yaxşı vəkil və mükəmməl vəkil...

Karantin rejimi yumşaldılır - Rayonlara gediş-gəlişin bərpası, SMS icazənin ləğvi...

Şair, tənqidçi, ədəbiyyatşünas, tərcüməçi, filologiya elmləri doktoru...

Bu gündən Azərbaycanda Türkiyə ilə birgə genişmiqyaslı hərbi təlimlər başlayır

“Səndən sonra” Təbrizdə - FOTO

Bizim "üçlüy"ümüz...

Britaniya parlamentində Tovuz döyüşləri müzakirə olunacaq