Ürək ağrısı ilə yazdım...

18:39 10-10-2019 | icon 41 | Köşə
Ürək ağrısı ilə yazdım...

Sabah gec olacaq və biz olmayacağıq...

NURŞƏN QULİYEV

 

Bəziləri deyir ki, nə qədər uzanacaq bu Qarabağ məsələsi? Erməni ətraf rayonları qaytarsın, biz də Dağlıq Qarabağdan əlimizi çəkək, bitsin bu söhbət. Yoxdu deməyin, var belə düşünən və deyənlər. Bu sətirləri də məhz o "ağıllı" başlar üçün yazıram.

 

"Ağıllılar", məsələ Dağlıq Qarabağı güzəştə getməklə bitmir və bitməyəcək, bunu hələ də anlamamısınız? Dönün tarixə baxın. Biz ermənilərə torpaq verdikcə, güzəştə getdikcə, onlar yenisini, daha artığını istəyiblər. İrəvanı verdik, Zəngəzuru istədilər, Zəngəzuru verdik, Dağlıq Qarabağı istədilər. Dağlıq Qarabağı versək, aran Qarabağı istəyəcəklər. Bu istəklərinə çata-çata da bir gün bütün Azərbaycana sahib olacaqlar. Strategiya budur.

 

Biz bezirik, "Nə qədər olar?" deyib, usanırıq. Ermənilər isə bu strategiyalarında ardıcıldırlar, yorulmurlar, ən böyük üstünlükləri isə odur ki, məqsədlərini nəsildən-nəslə ötürürlər. "Gərək, bir neçə nəsil dəyişsin, onda Qarabağ məsələsi həll olunar" kimi təhlükəli fikir də var dövriyyədə.

Bəli, bir neçə nəsil dəyişəndən sonra Dağlıq Qarabağ problemi həllini tapa bilər. Amma necə? Deyim, bilin.

 

Ermənilər ətraf rayonları qaytaracaq (Laçın və Kəlbəcər istisna olmaqla), əvəzində Dağlıq Qarabağ müstəqil olacaq, sonra isə Ermənistana birləşəcək. Biz yenə erməni ilə dostluğa başlayacağıq, "Qonşuyuq də, nə ermənilər burdan gedəsidir, nə də biz, bir yerdə yaşamalıyıq" deyib, erməni qızı ilə evlənəcəyik, erməniyə qız verəcəyik, onlarla bir yerdə bulaq başında donuz kababı çəkəcəyik, tut arağı "vuracağıq", erməni qızının məşuqəmiz olmasından, ona pul xərcləməyimizdən ağzımız köpüklənə-köpüklənə, sinəmizi qabağa verib, fəxrlə danışacağıq. Və...

 

Və beləcə illər keçəcək, günlərin birində ayılacağıq ki, erməni strategiyası növbəti həmləsinə başlayıb. İndi də Dağlıq Qarabağa müstəqillik verməyimizin qarşılığında qaytarılan o beş rayona və daha artıq torpaqlarımıza iddia edirlər.

 

Hə, mənim əzizlərim, beləcə günlərin bir günü Bakının qapısına dayanacaqlar. Vallah elə-belə demirəm, billah boş sözlər danışmıram. Proses belə də davam edəcək. Belə davam etdikcə də, artıq bir neçə on ildən sonra yer üzündə Azərbaycan adında məmləkət qalmayacaq. hamısına erməni sahiblənəcək. Ermənilərin, erməni kilsəsinin uzunmüddətli strategiyasıdır bu.

 

Mən bunları yazmaqla yeni bir şey demirəm, yeni heç nə kəşf etmirəm. Keçmişə baxın, tarixə baxın. Heç olmasa, başımıza gələnləri, yaşadıqlarımızı yadınıza salın. Düşünün də, fikirləşin də, nə tez unutdunuz dünən olanları, gözünüzün qarşısında baş verənləri. "Vallah erməni yaxşı millətdir" deyənlər bu xalq üçün, bizim üçün ermənidən təhlükəlidir, ayılın, bilin. Bu gün "Niyə Qarabağı qarabağlılar qorumur, qaçqınlar, məcburi köçkünlər niyə öz torpaqlarında qalıb ölmürdülər?" deyənlər, bəlkə də Sizə haqq qazandırmaq olardı, amma olmur. Yuxarıda yazdıqlarımdan dolayı olmur, erməninin məqsədi Azərbaycana sahiblənmək, Sizi də məhv etmək, yer üzündən silməkdir deyə, olmur.

 

Papağımızı qabağımıza qoyub yaxşı-yaxşı düşünməliyik. Necə olacaq bu məmləkətin, bu millətin istiqbalı? Düşünməliyik, sən, mən, o, hamımız. Düşünməli və anlamalıyıq. Bu gün verəcəyimiz qərardan ölkənin, millətin taleyi asılıdır. Ya var olacağıq, ya yox olacağıq. Düşünək və seçək. Bu gün seçək, indi seçək. Sabah gec olacaq və biz olmayacağıq...

Xəbər lenti

InvestAZ

Ən çox oxunan xəbərlər

“Youtube”un CEO-su Fuada məktub göndərdi

XALQ MÜXALİFƏTİ BAYKOT EDİR

Payız əhval-ruhiyyəli piyada keçidi

"Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu" mövzusunda tədbir keçiriləcək

“Hərdən yumruğunu stola elə çırpmalısan ki, masa ətrafında oturanlar səksənsin”

İQBAL AĞAZADƏ araşdırır: İşğal olunmuş ərazilərimizdə ermənilərin məskunlaşması bütün qətnamələrə ziddir!

Ailə bugün dünənki formatla yürüməz

Torpaqlarımızı “urra” ilə yox, ağılla azad etməliyik!

Döyüş xatirələrində yaşanan həqiqətlər

Bu xəstəliklə bağlı müayinədən keçməyə utanan, yaxud qorxanlar var

“Rövnəq Abdullayev istefa verdi” - KİMİN İŞİ İDİ?

“...Hər hansı patologiyadan şübhələnsək, müəyyən analizlər tələb edirik”

İGID TEYMURLU yazır: 713-cü hərbi hissəyə gələn yol

Füzuli Alməmmədovun Soyuqbulaq xatirələrindən

Azərbaycanda qadın süd vəzilərinə banka qoydu – FOTO