YAP-da Dövlət Müstəqillik Gününə həsr olunan yaradıcılıq sərgisi keçirilib

12:55 18-10-2019 | icon 194 | Gündəm
YAP-da Dövlət Müstəqillik Gününə həsr olunan yaradıcılıq sərgisi keçirilib

Bu gün Yeni Azərbaycan Partiyasının (YAP) inzibati binasında 18 oktyabr Dövlət Müstəqillik Gününə həsr olunan gənc memarların yaradıcılıq sərgisi keçirilib.

 

Versus.Az xəbər verir ki, sərgidə YAP-ın icra katibinin müavini Siyavuş Novruzov, deputatlar və digər rəsmi şəxslər iştirak ediblər.

 

Sərgini giriş sözü ilə açan S.Novruzov Azərbaycanın müstəqilliyindən danışıb. O qeyd edib ki, müstəqil olmaq böyük xöşbəxtlikdir:

“Dünyada 3000-dən artıq xalq var. Ancaq onların yalnız 200-nün müstəqil dövləti var”.

 

S.Novruzov vurğulayıb ki, Azərbaycan müstəqilliyini qazandığı ilk illərdə ölkədə vəziyyət acınacaqlı idi:

“O zamankı hakimiyyətin səriştəsizliyi, vətəndaş qarşıdurması, erməni təcavüzü nəticəsində ölkəmiz müstəqilliyini itirmək təhlükəsi ilə üz-üzə qalmışdı. Ulu öndər Heydər Əliyev ikinci dəfə hakimiyyətə qayıtmasaydı, bəlkə də biz bu gün müstəqillik gününü qeyd etməzdik. O, ölkəmizi bu bəlalardan xilas etdi. Bu gün Azərbaycan inkişaf edir, ölkədə uğurlu islahatlar həyata keçirilir, dövlətin maraqları ən yüksək səviyyədə qorunur”.

 

Dövlətin Prezident İlham Əliyev tərəfindən yüksək səviyyədə idarə olunduğunu deyən millət vəkili qeyd edib ki, Azərbaycan regionda aparıcı dövlətlərdən biridir:

"Ölkədə ardıcıl şəkildə yeniliklərin icra olunduğunun şahidi oluruq. Bununla da müstəqil Azərbaycan dövlətinin sükanının etibarlı əllərdə olduğunu demək olar. Əhalinin yaşayış səviyyəsinin yaxşılaşdırılması istiqamətində mühüm addımlar atılır".

 

Qeyd edək ki, sərgidə Bakı Mühəndislik Universitetinin Memarlıq və dizayn kafedrasının I kurs tələbələrinin 40-a yaxın əl işi nümayiş olunub. Universitetin rektoru Havar Məmmədov bu kimi sərgilərin təşkilinin gənclərə böyük stimul olduğunu vurğulayıb:

"Bu gün ölkədə savadlı gənc memarlara ehtiyac var. Bizim universitetdə son illərdə memarlıq sahəsində ciddi addımlar atılıb".

 

Daha sonra qonaqlar sərgiyə baxış keçirilib. Əl işlərinin sahiblərinə YAP tərəfindən sertifikatlar təqdim olunub.

 

Versus.Az

Xəbər lenti

InvestAZ

Ən çox oxunan xəbərlər

Qənirə Paşayevanın vətənpərvərliyini yox, qolunu müzakirə obyektinə çevirənlər…

Operativ Qərargah rayonlara gediş-gəliş qadağası ilə bağlı qərar verdi

Azərbaycanda karantin rejimi yumşaldılır

Avqustun 31-dək qüvvədə qalacaq -Sərt karantin

Azərbaycanda daha 647 nəfər COVID-19-dan sağaldı, 241 nəfər yoluxdu

“Kökəlmələr, artıq cəkilər uşaqlıqdan başlayır”

“Ximioterapiya xroniki toksaplazmozun müalicəsində effektli deyil”

"Məktəblər 3 növbə sisteminə keçməlidir"

Şəhid Xəyyam Məmmədovun ata ocağı ziyarət edilib

Çılpaq ekstrim həvəskarı çaya baş vurmağa cəhd etdi - VİDEO

DİM rezidentura imtahanında iştirak edəcək şəxslərə müraciət edib

Xaricdə doktorantura təhsili ilə bağlı sənəd qəbulunun müddəti uzadıldı

Çinin aparıcı həkimləri Bakıda

Qəzalı binanın sakinləri Allahın ümidinə qalıb - VİDEO

Yaponlar tərcüməçi-maska hazırladılar - FOTO