"Əngəlsiz Düşüncə Sosial İnkişafa Yardım" İB tamaşa və şeir müsabiqəsi keçirəcək

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının yardımı ilə "Əngəlsiz Düşüncə Sosial İnkişafa Yardım" ictimai birliyi və Sabuncu Gənclər evinin təşkilatçılığı ilə "Nəsiminin 650 illik yubleyi ilə əlaqədar əlilliyi olan gənclər arasında tədbirlərin təşkili" layihəsini icra edir.

Bu barədə Versus.Az-a xəbər verən "Əngəlsiz Düşüncə Sosial İnkişafa Yardım" İB sədri Mətanət Quliyeva (Qudsi) bildirib ki, Layihə əlilliyi olan gənclər arasında Azərbaycan ədəbiyyatının görkəmli şairi barədə məlumatın düzgün çatdırılması, onların informasiya balansını artıraraq maarifləndirilməsinə dəstək olmaq, Nəsimi ili - istedadlı əlillərin tamaşa və şeir müsabiqəsini təşkil etməyə həsr olunub.

Qeyd edək ki, "Əngəlsiz Düşüncə Sosial İnkişafa Yardım" ictimai birliyi "Nəsiminin 650 illik yubleyi ilə əlaqədar əlilliyi olan gənclər arasında tədbirlərin təşkili" layihəsi çərçivəsində Sabunçu Gənclər Evində tamaşa və şeir müsabiqəsi keçirəcək.

Versus.Az