Qənirə Paşayeva: "Birlik, bərabərlik, daha da güclü həmrəylik diləyirəm"

Millət vəkili Qənirə Paşayeva Azərbaycan xalqını təbrik edib.

Versus.Az-ın məlumatına görə, təbrikdə deyilir:

"Əziz dostlar!

Dünyanın hər yerində yaşayan 50 milyondan çox dəyərli Azərbaycanlılar!

Harada doğulub harada yaşamasından asılı olmayaraq bütün Azərbaycanlıları çox önəmli bayramımız - Dünya Azərbaycanlılarının Həmrəyliyi Günü münasibəti ilə təbrik edirəm!

Yaradandan hər zaman birlik, bərabərlik, daha da güclü həmrəylik diləyirəm!

Qəlbinizdəki bütün gözəl arzularınıza, dilinizdəki bütün gözəl dualarınıza çatmanızı diləyirəm!

İnşallah gələn Həmrəylik bayramımızı bir millət olaraq Ali Baş Komandanın rəhbərliyi altında Ermənistanın işğalından azad edəcəyimiz gözəl Dağlıq Qarabağımızda və digər o gözəl bölgələrimizdə də qeyd edə bilək!

Bayramımız mübarək, dəyərli, əziz bacı-qardaşlarım!"