Tərtərin icra rəhbərliyi prezidentin sərəncamına niyə məhəl qoymur?
Yol kənarında palçıqdan tikilmiş daxmada yaşayan ailəyə hələ də mənzil verilməyib
Məlum olduğu kimi, Prezident İlham Əliyev məcburi köçkünlərin evlə təmin olunması üçün 2017-ci ildə sərəncam imzalayıb. Təəssüflər olsun ki, bu sərəncam Zeynalovlar ailəsindən yan ötüb.
Versus.Az xəbər verir ki, söhbət Tərtərin Şıxarx qəsəbəsində qeydiyyatda olan, 1994 ildən məcburi köçkün kimi rayonun Mamırlı kəndində yol kənarında palçıqdan tikilmiş bir daxmada yaşayan ailədən gedir. Acınacaqlı durumdur - 84 yaşlı xəstə ana, imkansızlıq ucbatından dağılmış ailə...
Məlumat üçün deyək ki, haqqında söz etdiyimiz ailə Prezidentin sərəncamı əsasında evlə təmin olunmalı idi. Amma haqq etdikləri evi ala bilməyiblər, aldadılıblar. Onları aldadanlar isə İcra Hakimiyyəti səlahiyyətliləri Natiq Hüseynov, Abbas Cavadov, Fərhad Nəzərov olub.
Torpağı qorumaq üçün 4 oğul böyüdən 84 yaşlı ana hal-hazırda ağır xəstədir. Ananın oğlu Vüsal Zeynalov deyir ki, dəfələrlə icra başçısı Müstəqim Məmmədovun yanına getsələr də, onları təhqir ediblər, "gedin kimə istəyirsiniz deyin, sizə aid bizdə heç nə yoxdur" deyib, qovublar. Vüsal isə xəstə anasını tək qoyub heç yerə çıxa bilmir. Acınacaqlı durumda olan ailə ananın pensiyası ilə çətinliklə yaşayırlar.
Qeyd edək ki, sözügedən problemi Ümid Partiyasının sədr müavini, deputatlığa namizəd Tamilla Qulami ictimailəşdirib.
Versus.Az İnformasiya Agentliyi qarşı tərəfin də fikirlərini dinləməyə hazırdır.
LƏMAN
Versus.Az
Xəbər lenti
Bəzi tikinti materialları BAHALAŞACAQ
Bəs bu qaydalar tikinti sektoruna necə təsir edəcək?