“Xocalı unudulmaz qan yaddaşımızdır”
Bu gün AMEA Milli Azərbaycan Tarixi Muzeyində YAP “Azərbaycan tarixçiləri” ilk ərazi təşkilatının təşəbbüsü ilə “Xocalı unudulmaz qan yaddaşımızdır” adlı tədbir keçirilib.
Versus.Az xəbər verir ki, dövlət himninin səsləndirilməsi ilə açılan tədbirdə faciə qurbanlarının xatirəsi bir dəqiqəlik sükutla yad edildikdən sonra tədbiri açıq elan edən YAP “Azərbaycan tarixçiləri” ilk ərazi təşkilatının sədri Pərvanə Əzimova çıxıç edib.
Xocalı faciəsinin Azərbaycan tarixində unudulmaz dərs olduğunu qeyd edən məruzəçi, qanlı olayın dünya ictimaiyyətinə təbliğində Yeni Azərbaycan Partiyası üzvlərinin fəallığını qeyd edib, o cümlədən Milli Azərbaycan Tarixi Muzeyi əməkdaşlarının bu məsələyə müvafiq diqqət ayırdığını bildirib.
“Xocalı qətliamı XX əsrin faciəsi” adlı video çarx izlənildikdən sonra muzey əməkdaşlarının məruzələri dinlənilib. YAP “Azərbaycan tarixçiləri” təşkilatının sədr müavini, muzeyin Arxeologiya elmi fond şöbəsinin müdiri, t.ü.f.d., dos. Nasir Quluzadə “Muzeyin Xocalı arxeoloji kolleksiyası”, muzeyin “Numizmatika və epiqrafika” elmi fond şöbəsinin böyük elmi işçisi, t.ü.f.d. Aygün Məmmədova “İşğal olunmuş ərazilərdə aşkarlanan numizmatik tapıntılar”, muzeyin “Elmi kütləvi iş” şöbəsinin böyük elmi işçisi, t.ü.f.d. Əli Fərhadov “tolerantlığa gedən yol”, muzeyin Etnoqrafiya fondunun müdiri, t.ü.f.d. Sevinc Nəsirova “Xocalı - Azərbaycan qadınlarının faciəsi”, muzeyin əməkdaşı Gülnar Fərhadova “Xocalı soyqrımının rayonlarda təbliği”, muzeyin Etnoqrafiya elmi fond şöbəsinin kiçik elmi işçisi Fatimə Qəniyeva “Xocalını tanıdaq və yaşadaq” adlı məruzələr təqdim etmiş, muzeyin Etnoqrafiya elmi fond şöbəsinin b.e.i., t.ü.f.d., dos. Tural Şiriyev və “Sənədli mənbələr” fondunun müdiri Esmira Rəhimova Xocalı faciəsinin gələcək nəsillərə aşılanmasının vacibliyini vurğulayıblar.
Tədbirin bədii hissəsində “Xocalı” faciəsinə həsr olunmuş “Günahsızlar” filmi (ssenari müəllifi: Jalə Sərdarzadə, rejissor: Mahir Dərviş) izlənilib, Azərbaycan Uşaq və gənclərin Sülh şəbəkəsinin üzvləri Arif Səfərli və Cəmilə Heydərovanın ifasında şeirlər səsləndirilib.
Ayəndə Dadaşova
Versus.Az
Xəbər lenti
Rusiyaya məxsus helikopter aerodromda məhv edildi
Helikopter Rusiya Ordusunun logistik ehtiyaclarını və təxliyə...