“Əli Kərimli özü-özünü "blokada"ya salıb”
Elman Nəsirov: “Bu addımlar Əli Kərimlinin də sağlamlığını və təhlükəsizliyini qorumaq üçündür”
Son günlər müxalifətdən belə iddialar səslənir ki, AXCP sədri Əli Kərimli və ailə üzvlərinə qarşı təzyiqlər edilir, onun özünün və ailə üzvlərinin internet və telefon xətləri qapadılıb, yaşadığı ev nəzarətə götürülüb, yanına gələn partiya üzvləri təhdidlərə məruz qalır və faktiki olaraq o, ev dustağı edilib.
YAP-ın Beynəlxalq əlaqələr komissiyasının katib, millət vəkili Elman Nəsirov Versus.az-a bildirib ki, hökumətə qarşı səslənən belə iddiaların heç bir əsası yoxdur. Onun sözlərinə görə, kimlərin nə deməsindən asılı olmayaraq Azərbaycan Dövlətinin rəhbəri hələ 2003-cü ildə etdiyi çıxışında hər bir Azərbaycan vətəndaşının Prezidenti olacağını bəyan etdi və onun hər bir azərbaycanlının prezidenti olmasını bu gün xalqımız daha çox hiss edir.
E.Nəsirov deyib ki, Əli Kərimli özü-özünü blokada vəziyyətinə salıb:
“O, qanunlara tabe olmaq istəmir. Bu karantin rejimidir. Bu rejim hər kəsə aiddir və burada heç kimin əlahiddə üstünlükləri yoxdur. O da hər bir vətəndaşı kimi SMS yazsın, 2 saatlıq icazəsini alandan sonra təlabatlarını ödəmək üçün addımlarını atmalıdır. Atılan addımlar, eyni zamanda Əli Kərimlinin bir Azərbaycan vətəndaşı olaraq sağlamlığını və təhlükəsizliyini qorumaq üçündür. Bundan şou yaratmaq, başqa vasitələr üçün istifadə etmək düzgün deyil. Ona görə hesab edirəm ki, bu məsələlərdə bir qədər obyektiv olmaq lazımdır”.
LƏMAN
Versus.az
Xəbər lenti
Azərbaycanla Ermənistan arasında 28 sərhəd dirəyi QURAŞDIRILIB
Dövlətin ekspert qruplarının işi davam edir