"Cümhuriyyət tariximizlə qürur duyuruq"

10:49 28-05-2020 | icon 1298 | Gündəm
"Cümhuriyyət tariximizlə qürur duyuruq"

Demokratik Azərbaycan Dünyası Partiyasının (DADP) sədri, Qarabağ qazisi Əlisahib Hüseynov Azərbaycan xalqını 28 May – Respublika Günü münasibətilə təbrik edib.

 

Versus.Az xəbər verir ki, təbrikdə deyilir:

 

“Hörmətli həmvətənlərim!

102 il bundan öncə, 1918-ci il mayın 28-də başda Məhəmməd Əmin Rəsulzadə, Əlimərdan bəy Topçubaşov, Nəsib bəy Yusifbəyli, Fətəli xan Xoyski, Xəlil bəy Xasməmmədov, Firudin bəy Köçərli kimi millətpərvər ziyalılarımız olmaqla 44 nəfərdən ibarət Milli Şura tərəfindən 6 bənddən ibarət Milli İstiqlal Bəyannaməsi” qəbul olunub. Bununla da 113,9 min kv. km-i əhatə edən, əhalisi 2.8 milyondan çox olan və bütün müsəlman Şərqinin, Türk Dünyasının ilk demokratik respublikası kimi adı tarixə düşən Azərbaycan Xalq Cümhuriyyəti (AXC) yaradılıb. Yaddaşlarda həm də, Birinci Respublika kimi qalan bu yeni dövlətimiz heç şübhəsiz ki, xalqımızın tarixində şanlı səhifələrdən birini təşkil edir.

 

Hazırki Azərbaycan Respublikasının təməli və hüquqi bazası sayılan Xalq Cümhuriyyətimizin ömrü qısa olsa da, amma millətimizin sonrakı taleyi üçün, ölkəmizin gələcək müstəqilliyi üçün böyük işlər gördü və etibarlı hüquqi-siyasi zəmin yaratdı. Cəmi 23 ay yaşamasına baxmayaraq, Cümhuriyyət dövründə bütün ölkələrə və xalqlara nümunə ola biləcək tarixi əhəmiyyətli tədbirlər həyata keçirildi. Azərbaycan dilinin dövlət dili elan edilməsi, Bakı Dövlət Universitetinin təməlinin qoyulması, Milli Ordunun yaradılması, qadınlara seçki hüququnun verilməsi, etnik və dini mənsubiyyətindən asılı olmayaraq bütün vətəndaşların hüquq bərabərliyinin tanınması, parlamentdə azsaylı xalqların təmsilçilərinə yer verilməsi və sair bu kimi mühüm addımlar Azərbaycan Xalq Cümhuriyyətini bu gün bütün sivil dünyaya müsbət dövlətçilik nümunəsi kimi təqdim etməyə imkan yaradır.

 

23 ay ərzində görülmüş bu işlərin hamısı fövqəladə əhəmiyyətli hadisələrdir və 102 il bundan öncə atılmış dövlətçilik toxumları bu gün öz bəhrəsini verir. Azərbaycan Xalq Cümhuriyyəti qədim dövlətçilik ənənələrimizin davamı və sonrakı inkişafımızın təməli oldu, milli varlığımızın qorunub saxlanması üçün qaranta çevrildi. Bu gün Azərbaycan etibarlı əllərdədir və öz müstəqilliyini qoruyub saxlayır. Ümummilli liderimiz Heydər Əliyevin sözləri ilə desək Azərbaycanın müstəqilliyi dönməz və əbədidir və indi hər birimiz Cümhuriyyət tariximizlə qürur duyuruq.

 

Əziz soydaşlar!

28 May - Respublika Günü münasibətilə hər birinizi ürəkdən təbrik edirəm. Cümhuriyyət Bayramımız mübarək olsun!”

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Ramazan ayının dördüncü gününün imsak, iftar və namaz vaxtları

Bu qadınlar pensiyaya daha tez çıxa biləcəklər