Hafiz Hacıyev: “Bəzən öz-özümə sual verirəm ki, bəs nəyə nail olmuşam, söyüşlərəmi, qınağamı?”

“Dörd il qabaq demişəm ki, Elmar Məmmədyarovdan Azərbaycana xarici işlər naziri olmaz. Yaxud, 15 il bundan qabaq demişəm ki, Azərbaycanda filan məmur dövlətə, dövlət başçısına, xalqa xəyanət edir. Mən bunları dediyim halda, zamanında reaksiya verilməyib, tədbir görülməyib. Zamanında Elmar Məmmədyarova tədbir görülsəydi, inandırım ki, bəlkə də Dağlıq Qarabağ məsələsini çoxdan həll etmişdik”.

Versus.Az xəbər verir ki, bunu müsahibəsində Müasir Müsavat Partiyasının sədri Hafiz Hacıyev bildirb.

Partiya sədri vurğulayıb:

“Bilirsiz, biz siyasi təşkilatıq, artıq 16 ildir mən Müasir Müsavat Partiyasına rəhbərlik edirəm. Bundan əvvəl komsomol katibi olmuşam, nazir olmuşam. Mən özümü Prezidentimizi qorumağa həsr etmişəm, həyatımı təhlükəyə qoymuşam. Bu mənim alın yazımdı. İndi mən nə edim ki, mənim qədrim bilinmir? Bunu da edənlər var. 10 il əvvəl “Xural” qəzetində olanları açıqlamışam, bu faktdır. Ramiz Mehdiyev hələ Prezident Aparatının rəhbəri olanda onun xəyanətləri barədə danışmışam. Amma dediklərimin müqabilində nə oldu? Ömür boyu mənətəzyiq olub, həmişə məni küncə sıxışdırıblar. Ölkə prezidentini müdafiə etdiyimə görə həmişə söyülmüşəm. Bəzən öz-özümə sual verirəm – bəs nəyə nail olmuşam, söyüşlərəmi, qınağamı? Axı niyə mənim dediklərimə zamanında məhəl qoyulmadı? Axı niyə bu dövlətə xəyanəət edilməlidir? Elmar Məmmədyarov kimi dilini bilməyən, dinini bilməyən, satqın, avaranın biri gördünüz Azərbaycanı nə günə saldı?”

Müsahibəsində H.Hacıyev daha hansı ilginc məsələləri açdı, daha kimləri ifşa etdi?

Həmin müsahibəni təqdim edirik.

SEVDA
Versus.Az