Əsrlərlə yaşayacaq sənətkar - MÜSLÜM MAQOMAYEV
Yaşasaydı, bu gün 78 yaşı sağlığındakı kimi qeyd olunacaqdı
Əfsanəvi müğənni və bəstəkar Müslüm Maqomayev 17 avqust 1942-ci ildə anadan olub. Həyatda olsaydı, bu gün onun 78 yaşı sağlığındakı kimi qeyd olunacaqdı.
Bizim nəslimiz bu istedadlı opera və estrada mahnılarının ifaçısı, həmçinin, möhtəşəm mahnıların müəllifinin böyük uğurlarının şahidi olaraq böyüdü...
Bu gün böyük sənətkarın bir çox pərəstişkarları, dost və tanışları, Müslüm Maqomayevin xanımı Tamara Sinyavskaya, Musiqi və Mədəniyyət İrsi Fondunun qurucusu Araz Ağalarov ənənvi olaraq Voznesensky Prospektində toplaşdılar.
Müslüm Maqomayevin xatirəsi çoxmillətlidir. Görkəmli sənətkar, dünyanın ən yaxşı baritonlarından biri hələ sağlığında ən qiymətli mükafatı - dünya dinləyicilərinin dəyərini və sevgisini qazanmışdır. Maestronun repertuarına 600-dən çox əsər daxildir. Lakin Müslüm Maqomayevin sənətə verdiyi bütün töhfəni dəyərləndirmək mümkün deyil - musiqiçinin irsi əbədi olaraq gələcək nəsillərə hədiyyə olaraq qalacaq.
Vəfatından neçə il keçməsindən asılı olmayaraq, bu gözəl müğənni və insanın pərəstişkarı olan hər kəs sevgini əsrlər boyu gələcəyə ötürəcək.
Ayəndə Dadaşova
Versus.Az
Xəbər lenti
"Sülhməramlılarla bağlı səslənən iddialar absurddur"
“Sülhməramlıların getməsi Rusiya-Azərbaycan münasibətlərinə mənfi təsir göstərmədi”