Qənirə Paşayeva: "Vətənimizə, Müstəqil Dövlətimizə qarşı olan güclərə qarşı mübarizəmizi daha da gücləndirməliyik"

"Tovuzda ön cəbhədəyik. Ön cəbhə kəndlərimizdə yaşayan insanlarımız hər zamankı kimi işğalçı Ermənistanın bütün təxribatlarına Dövlətimizin və Ordumuza güvənirik və yanındayıq deyərək mərdliklə layiqli cavab verirlər."

Versus.az xəbər verir ki, bunu özünün "Facebook"hesabında millət vəkili Qənirə Paşayeva paylaşıb.

"Hərbiçilərimiz və əsgərlərimiz düşmənə layiqli cavab verirlər. Siyasi düşüncəsindən asılı olmayaraq dünyanın hər yerində yaşayan azərbaycanlılar daha da birlik içində və könüllü əsgər kimi Ali Baş Komandanımızın yanında olmalı, işğalçı Ermənistana qarşı daha da güclü mübarizə aparmalıyıq. Biz işğalçının arxasında duran gücləri da nəzərə almalıyıq və Vətənimizə, Müstəqil Dövlətimizə qarşı olan güclərə qarşı mübarizəmizi daha da gücləndirməliyik. Bu gün hər birimiz Dövlətimizin könüllü əsgəri olmalıyıq. Allah Dövlətimizi və Millətimizi qorusun!

Versus.az