“Biz axıra qədər gedəcəyik”
Üzeyir Cəfərov: “Ölkə rəhbərliyi torpaqların işğaldan azad olunması ilə bağlı qəti mövqeyini bildirib”
“Hərbi vəziyyət o deməkdir ki, artıq ölkə hərb qanunları ilə yaşamağa başlayır. Bunun nə qədər çəkəcəyi vəziyyətdən asılı olacaq. Biz buna hazır olmalıyıq”.
Versus.Az xəbər verir ki, bunu hərbi vəziyyətin elan olunması və bu günün uğurları ilə bağlı açıqlamasında hərbi ekspert Üzeyir Cəfərov bildirib.
Hərbi ekspert hesab edir ki, bu gün beynəlxalq aləmdən gələn bəyanatların nə olmasına baxmayaraq artıq ölkə rəhbərliyi torpaqların işğaldan azad olunması ilə bağlı qəti mövqeyini bildirib və biz axıra qədər gedəcəyik:
“İnanıram ki, bu proses dayanmayacaq. Dünən düşmən xeyli ərazilərimizdən qovulub, itkiləri var. Bunun əvəzini çıxmaq üçün müxtəlif yollara əl atacaq. Bu gün səhər Ermənistan Müdafiə Nazirliyində böyük bir toplantı kerçirilib. Həm Paşinyan, həm də Ermənistanın müdafiə naziri öz talelərinə görə çox narahatdırlar. Ermənistanda bu uğursuzluğa görə heç kəs onların başını sığallamayacaq. Onsuz da ağır olan vəziyyətləri bundan sonra daha da ağırlaşacaq”.
Ekspert bildirib ki, vəziyyət ağırdır. Azərbaycanın öz torpaqlarını işğaldan etməsi ətrafında xeyli mürəkkəb proseslər gedir:
“Dünən ordumuz uğurla irəliləyirdi, bu gün isə kənar müdaxilələr var. ABŞ, Fransa və Rusiyadan bir neçə rəsmi bəyanatlar verilib. Ermənistanın baş naziri Fransanın, Rusiyanın prezidentləri ilə telefon danışığı aparıb. Hər zaman Ermənistana dəstək olan qüvvələrin müəyyən yanaşmaları da var ki, bu məsələlər açıqlanmır. Allah Azərbaycan ordusuna kömək olsun. Şəhidlərimizə Allah rəhmət eləsin. Düşmən bu gün xaincəsinə Tərtərin mərkəzini vurdu, Ağdamın Eloğlu kəndini atəşə tutdu. Bir kənd sakini evində öldürüldü. Naftalanda 1 ailə tamamilə qırıldı. Müharibədir və bunun başqa adı yoxdur”.
Ü.Cəfərov deyib ki, 30 ildir Ermənistanın Azərbaycana qarşı torpaq iddiası ilə apardığı işğalçılıq siyasəti Azərbaycan insanının ruhunu sarsıtmışdı.
Dünənki gündən başlayan müharibə, Azərbaycanın öz ərazilərini erməni işğalından azad etməsi yönündə apardığı əks hücum, düşmənə verilən layiqli cavab Azərbaycan insanında ruh yüksəkliyi yaradıb:
“Dünən müharibədə bir neçə ərazilərimizi azad etdiyimizə görə sevinc yaşadıq. Bu gün başqa vəziyyətdir. Müharibə belədir ki, dünən uğurun var idisə, bu gün uğursuzluğun ola bilər. Bu gün uğursuzluğun varsa, sabah uğurun ola bilər. Ona görə də biz işlərimizi elə qurmalıyıq ki, hər şey rəvan getsin. Biz buna ümid edirik ki, dünənki qələbələrin davamlı olması bizə daha gözəl anlar yaşadacaq. Şəxsən mən o arzu, o amalla yaşayıram”. /hafta.az/
T.Qafarlı
Versus.Az
Xəbər lenti
Rusiyaya məxsus helikopter aerodromda məhv edildi
Helikopter Rusiya Ordusunun logistik ehtiyaclarını və təxliyə...