Könül İsmayılova: “Ali Baş Komandanımız, Ordumuz, birliyimiz bu sevinci bizə yaşadacaq”

“Şanlı Ordumuz Ermənistanın hərbi təxribatlarına layiqli cavablarını verir. Torpaqlarımızın işğaldan azad olunması ilə bağlı ard-arda xoş xəbərlər gəlir. Möhtəşəm qələbəmizə çox az vaxt qaldı. Ali Baş Komandanımız, Ordumuz, birliyimiz bu sevinci bizə yaşadacaq”.

Bunu fikirləri Versus.Az-a torpaqlarımızın işğaldan azad edilməsi ilə bağlı açıqlamasında Müasir Müsavat Partiyasının sədr müavini Könül İsmayılova bildirib.

Dağlıq Qarabağda aparılan sülh danışıqlarını özünün təxribatları ilə mənasız edən Ermənistan siyasi hakimiyyətinin artıq çabalar içində çırpındığının açıq şəkildə hiss olunduğunu deyən Könül İsmayılova, mənfur düşmənlərimizin məğlubiyyətinin gözlənilən olduğunu vurğuladı:

“Təxribatçı, terrorçu, vandal Ermənistan rəhbərliyi hər vəchlə növbəti cinayətlər törədir, müharibəni genişləndirməyə çalışır. Dəliyə dönmüş vəziyyətdə raketlərini ərazilərimizə tuşlayır, dinc əhalimizi atəşə tuturlar. Erməni xislətidir və tarixən də belədir. Ermənilərin müharibə mədəniyyətləri heç tarixən olmayıb, bundan sonra da olmayacaq. Azərbaycan öz torpaqları uğrunda əks-hücuma keçib və bütün torpaqlarımız işğaldan azad edilmiyənəcən dayanan deyil. Cəbrayıl rayonunun işğaldan azad olunmasından sonra cənab Prezident İlham Əliyevin xalqa müraciətində bu qətiyyətli mövqe bir daha bəyan olundu. Prezident dedi ki, erməni işğalçılarını torpaqlarımızdan iti qovan kimi qovacağıq. Eyni zamanda beynəlxalq təşkilatların havadarlarını da bu gün Ordumuzun erməni quldurlarına verdiyi dərsdən nəticə çıxarmağa çağırdı”.

Fransa prezidenti Makronun sərsəm bəyanatına da toxunan Könül xanım nəinki ermənipərəst makronlar, ümumiyyətlə BMT TŞ-sı özünün ikiüzlü siyasətindən və yanlış informasiya təbliğatından əl çəkmir:

“Belə bir gərgin şəraitdə rəşadətli Azərbaycan Ordusu xaricdən gələn təsirlərə məhəl qoymur və Ali Baş Komandanın erməni diplomatların, ikiüzlü beynəlxal təşkilatlarının qarşısında düyünlədiyi yumruğu ona inamla irəliləmək üçün güc verir. Biz MMP olaraq daim cənab Prezidentin yanında olmuşuq və bu birliyimiz daimi olacaq.

Eşq olsun Azərbaycan dövlətinə, eşq olsun Ali Baş Komandana, eşq olsun Azərbaycan Ordusuna, yaşasın Azərbaycan xalqı. Qələbə bizimlədir!”

PƏRİ
Versus.Az