İşgəncə videosu çəkmək istəyirmişlər...

Beyli Bosuell və Obri Treyl adlı amerikalı cütlük sosial şəbəkədə tanış olaraq görüşə dəvət etdikləri 24 yaşlı qızı öldürməkdə ittiham olunurlar. Məlum olub ki, şübhəlilər qurbana işgəncə verdikləri və öldürdükləri ilə bağlı video çəkmək istəyirmişlər.

 

Bu barədə “9News” xəbər yayıb.

Bildirilir ki, Sidni Luf adlı qız Bosuellə görüşdən sonra yoxa çıxmışdı. Onun qalıqları tapılana qədər heç kim qızın harada olduğu barədə məlumat ala bilməyib. Polis onun telefonunun siqnalının son dəfə gəldiyi yerdə axtarış aparıb və yaxınlıqdakı qamışlıqda içərisində bədən hissələri çıxan çuval aşkarlayıb (bədən 14 yerə bölünmüşdü). Ətrafa isə qurbanın paltarları səpələnmişdi.

 

Məhkəmədə qadının sözlərinə görə, bir dəfə işgəncə və ölüm videosundan nə qədər pul qazana biləcəklərini müzakirə ediblər.

 

Məhkəmə qətlin qəsdən törədildiyinə əmindir. Bosuell və Treylin işgəncə alətlərini əvvəlcədən əldə etməsi bunu göstərir.

 

Cültük bu cinayətə görə edam cəzasına məhkum edilə bilər.