Çempionlar Liqasında qrup mərhələsinə start verilir

Bu gün Çempionlar Liqasında qrup mərhələsi start götürəcək.

Versus.Az xəbər verir ki, birinci turun ilk oyun günündə səkkiz qarşılaşma baş tutacaq.

Türkiyə çempionu “Başakşəhər” səfər sınağına çıxacaq. H qrupunda mübarizə aparan İstanbul klubu Almaniyada “Leypsiq”lə üz-üzə gələcək.

Qrupun digər matçında PSJ “Mançester Yunayted”i qəbul edəcək.

E qrupunda “Çelsi” “Sevilya”nı, “Renn” “Krasnodar”ı sınağa çəkəcək. F qrupunda “Latsio” Dortmund “Borussiya”sı, “Zenit” isə “Brügge” ilə üz-üzə gələcək. 

G qrupunda “Yuventus” Kiyev “Dinamo”sunun qonağı olacaq. “Barselona” “Ferensvaroş”la ev matçına çıxacaq.

Qeyd edək ki, turun digər 8 qarşılaşması oktyabrın 21-də keçiriləcək.

Çempionlar Liqası
Qrup mərhələsi, I tur

20 oktyabr
E qrupu
23:00. “Çelsi” (İngiltərə) – “Sevilya” (İspaniya)
23:00. “Renn” (Fransa) – “Krasnodar” (Rusiya)

F qrupu
20:55. “Zenit” (Rusiya) – “Brügge” (Belçika)
23:00. “Latsio” (İtaliya) – “Borussiya” (Dortmund, Almaniya)

G qrupu
20:55. “Dinamo” (Kiyev, Ukrayna) – “Yuventus” (İtaliya)
23:00. “Barselona” (İspaniya) – “Ferensvaroş” (Macarıstan)

H qrupu
23:00. PSJ (Fransa) – “Mançester Yunayted” (İngiltərə)
23:00. “Leypsiq” (Almaniya) – “Başakşəhər” (Türkiyə)