Millimizin üzvü FIVB Atletlər Komissiyasının üzvü ola bilər
Beynəlxalq Voleybol Federasiyasının (FIVB) Atletlər Komissiyasına keçiriləcək seçkilərdə namizədlərdən biri Azərbaycan millisinin üzvüdür.
Qadınlardan ibarət voleybol millimizin aparıcı üzvü Polina Rəhimova namizədlər arasındadır.
Ümumilikdə namizədlər 16 nəfərdir. Bunlardan 11-i qadın, beşi isə kişidir. Səkkiz nümayəndə klassik voleybolu, qalan səkkizi çimərlik voleybolunu təmsil edir. Namizədlər arasında doqquz Olimpiya və 10 dünya çempionatının mükafatçısı var.
Digər 15 idmançı və ya veteran namizəd isə bunlardır: Luiz Boden (Avstraliya, çimərlik voleybolu), Coşua Binstok (Kanada, çimərlik voleybolu), Yulius Brink (Almaniya, çimərlik voleybolu), Milaqros Kabral de la Krus (Dominikan), Nəslihan Dəmir Gülər (Türkiyə), Sam Deroo (Belçika), Malqojata Qlinka-Mogentale (Polşa), Cordan Larson (ABŞ), Mepelink Madeleyn (Niderland, çimərlik voleybolu), Oqnyenoviç Maya (Serbiya), Samuele Papi (İtaliya), Marketa Slukova (Çexiya, çimərlik voleybolu), Delsyu Suareş (Mozambik, çimərlik voleybolu), Anuk Verje-Depre (İsveçrə, çimərlik voleybolu), Çen Şue (Çin, çimərlik voleybolu).
Qeyd edək ki, Atletlər Komissiyası 10 üzvdən ibarət olacaq. Onlardan beşi voleybolçular, beşi isə FIVB prezidenti tərəfindən seçiləcək. Seçkilər onlayn səsvermə əsasında yanvarın son iki həftəsi ərzində keçiriləcək.
Xəbər lenti
Rusiyaya məxsus helikopter aerodromda məhv edildi
Helikopter Rusiya Ordusunun logistik ehtiyaclarını və təxliyə...