Deputat qarlı havada şəhərin iflic olmasından yazdı
09:55 26-02-2021
|
551 |
Siyasət
Razi Nurullayev: "İcra hakimiyyəti bu iki gündə işlərinin öhdəsindən gələ bilmədi"
"Əzizbəyov heykəlinin yanından dönüb Parlamentə gedirəm. Məktəbin qarşısında yolun qırağında bərkimiş və çox çirkli qar topaları yığılıb. 5-6 qadın Fərhad kimi külüng çalır, donmuş çirkli qarı parçalayıb yola tökürlər".
Versus.Az xəbər verir ki, bunu "facebook" hesabında deputat Razi Nurullayev yazıb.
R.Nurullayev bu texnologiya əsrində yaşlı qadınların bu vəziyyətdə çalışmasının heç də başadüşülən olmadığını vurğulayıb:
"Məgər şəhər təsərrüfatının maşınları yoxdur? Axı təzələri də alınıb. Bu çirkli qarı niyə yola töküb zibilləyirsiniz? Traktor kürüsün, toplasın, yığsın maşınlara, aparıb töksün ağacların dibinə. O yazıq qadınlar da başqa yüngül təmizlik işləri aparsınlar.
Mənim Bakı şəhər icra hakimiyyətinə pis münasibətim yoxdur. Amma deməliyəm ki, bu bir-iki gündə şəhər təsərrüfatı işlərinin öhdəsindən gələ bilmədi. Şəhər iflic oldu, mən də iki gün Novxanıda "girovluqda" qaldım, şəhərə qayıda bilmədim. Olmaz belə!"
PƏRİ
Versus.Az
Versus.Az
Xəbər lenti
Bəzi tikinti materialları BAHALAŞACAQ
Bəs bu qaydalar tikinti sektoruna necə təsir edəcək?