"Onlar həmrəylik mühitinin qorunmasında bilik və bacarıqlarını əsirgəməyəcəklər"

Azərbaycan Liberal Demokrat Partiyasının (ALDP) sədr müavini Maisə Cəfərova Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsi və Ailə, Qadın və Uşaq problemləri üzrə Dövlət Komitəsinin birgə təşkilatçılığı ilə cari ilin bu gün “Siyasi dialoqda qadınların rolu” adlı videokonfransında iştrak edib.

Versus.Az xəbər verir ki, tədbirdə 31 siyasi partiyanı təmsil edən 50-dən artıq qadın iştirak edib.

Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev Prezident İlham Əliyevin adından görüşdə iştirak edən qadınları 8 Mart - Beynəlxalq Qadınlar Günü münasibəti ilə təbrik edib, ölkə rəhbərliyinin siyasi dialoqun təşviqində qadınların daha fəal roluna ümid bəslədiyini bildirib.

Görüşün sonunda Administrasiya rəsmisi ölkənin ictimai-siyasi həyatında fəal mövqe tutmuş qadınların bundan sonra da dövlətin inkişafında və cəmiyyətdə yaşanan həmrəylik mühitinin qorunmasında öz bilik və bacarıqlarını əsirgəməyəcəklərində əminliyini bildirib.

SEVDA
Versus.Az