Kilsədə növbəti uşaq məzarlığı

Kanadanın Britaniya Kolumbiyası əylətində 160 adsız uşaq məzarı tapılıb.

 

Cbc.ca xəbər verir ki, Cənubi Körfəz adalarından biri olan Kuper adasının Penelakut yerli qəbiləsi internat kilsəsinə aid ərazidə 160-dan çox “sənədsiz və qeyd edilməmiş” məzar tapıldığını bildirib.

 

Məruzədə qəbirlərlə bağlı daha ətraflı məlumat verilmədiyi qeyd olunub.

 

Kuper adası internat məktəbi rəsmi qeydlərə görə 1890-1970-ci illər arasında fəaliyyət göstərib.

 

Kanadadakı kilsə məktəbinin həyətindəki qeydiyyatsız uşaq qəbirləri ilk dəfə 29 mayda gündəmə gəlib.

 

O zaman Britaniya Kolumbiyası əyalətinin Kamlups şəhərində internat kilsə məktəbinin bağçasında 215 uşaq meyitinin qalıqları tapılıb.

 

İyunun 24-də Sakatçevan əyalətindəki “Marieval” internat məktəbinin bağçasında qeydiyyata alınmamış 751 uşaq cəsədi olan qəbirlər aşkar edilib.

 

30 iyun 2021-ci ildə “Eugene” missiya məktəbinin yaxınlığında 182 uşaq qalıqları olan qəbirlər müəyyənləşdirilib.