Rusiyada ermənipərəst qüvvələrin çox olduğunu vurğulayan partiya sədri qeyd edib ki, istər mətbuatda, istərsə də hakimiyyət daxilində bu qüvvələr var və çalışırlar ki, 10 noyabr Bəyanatı həyata keçməsin:

"Amma mən hesab edirəm ki, Putin öz imzasına hörmət edəndir və imzaladığı 10 noyabr Bəyanatında olan bütün bəndlər həyata keçəcək. Bizim vətəndaşlarımızın Rusiya sülhməramlılarının Azərbaycanda daima qala biləcəyi narahatlığını gəlincə, mən bu fikirlərlə razı deyiləm. Bundan qabaq da qeyd etdiyim kimi, bizim vətəndaşlarımız azad olunan torpaqlara qayıdandan sonra Rusiya sülhməramlıların orada qalmasına ehtiyac qalmayacaq. Orada heç erməni də qalmayacaq. Baxın, bu ilin yanvar ayından başlayarkən 50 min ermənini ora məcburən köçürdülər. İndi isə son statistikaya görə, orada 25 min erməni qalıb. Bir daha qeyd edirəm ki, bizim vətəndaşlarımız öz dədə-baba yurdlarına qayıdandan sonra heç bu 25 min erməni də qalmayacaq".