Yeni siyasi partiya təsis edildi
Əli Mustafa: “Biz yeni, fəqli Azərbaycan quracağıq”
Oktyabrın 18-də yeni siyasi partiya təsis olunub. Demokratik Dəyişim Partiyası adı ilə fəaliyyətə başlayan partiyanın Təşkilat Komitəsinin sədri Əli Mustafadır.
Bu barədə Versus.az-a açıqlama verən DDP Təşkilat Komitəsini sədri Əli Mustafa partiyanın təsis edilməsinin məqsədləri barədə danışıb. O, bildirib ki, Təşkilat Komitəsi artıq təsis qurultayının hazırlanması, çağırılması və keçirilməsi istiqamətində ilkin addımlarını atır.
Ə.Mustafa bildirib ki, DDP-nin yaranmasının əsasında Azərbaycan xalqının suverenliyinin qorunması, ölkədə həqiqi demokratiyanın bərqərar olunması və milli maraqların təmin edilməsinə nail olmaq prinsipləri dayanır. Partiya sədri yeni partiyanın fəaliyyətinin prioritet istiqamətindən bir neçəsini önə çəkib.
“Partiyanın strategiyasının əsasında dayanan bir sıra mühüm məqamlar var. Bunlar hakimiyyətin xalqın həqiqi iradəsinə uyğun və legitim əsaslarla formalaşdırılması, daxili və xarici siyasətdə beynəlxalq hüququn prinsiplərinin əsas tutulması və beynəlxalq öhdəliklərin icrasının təmin olunması, insan hüquq və azadlıqlarının, xalqın rifahının və təhlükəsiz həyatının təmin olunması, həqiqi bazar münasibətlərinin, azad sahibkarlığın və ədalətli rəqabətin təmin olunması və sair məsələlərdir”.
Ə.Mustafa bəyan edilən məqsəd və vəzifələrə çatmaq üçün qanuni vasitələrlə mübarizə apacaqlarını və bu istiqamətdə maraqlı olan hər kəslə əməkdaşlığa açıq olduqlarını bildirib.
Partiya sədri yeni, fərqli Azərbaycanı quracaqlarına iddia etdiklərini deyib.
PƏRİ
Versus.az
Xəbər lenti
Bayram günü Bakıda və bölgələrdə gözlənilən hava PROQNOZU
Küləyin sürəti 15 m/saniyəyə çatacaq