13 dekanın səlahiyyət müddəti başa çatıb
512 |
Təhsil
Bakı Dövlət Universitetində 13 dekanın səlahiyyət müddəti başa çatıb.
Versus.Az xəbər verir ki, bu barədə Universitetin mətbuat xidmətinin rəhbəri Günel Orucəliyeva bildirib.
Onun sözlərinə görə, BDU-da dekanlar 5 ildən bir seçilir:
“Hazırda 3 fakültə istisna olmaqla digər bütün fakültələrdə dekanların iş səlahiyyəti müddəti başa çatıb. Həmin fakültələr Mexanika-riyaziyyat, Fizika, Kimya, Biologiya, Ekologiya və torpaqşünaslıq, Geologiya, Filologiya, Tarix, Beynəlxalq münasibətlər və iqtisadiyyat, Hüquq, Kitabxanaçılıq-informasiya, Şərqşünaslıq, Sosial elmlər və psixologiyadır. Bizdə dekanlar seçim əsasında təyin olunur. Həmin dekanlar yenidən seçilə bilər. Ancaq hələ ki, seçimlərin nə vaxt olacağı məlum deyil. Hazırda həmin fakültələrin hamısında dekanları müvəqqəti olaraq tədris işləri üzrə dekan müavinləri əvəz edir”.
Xəbər lenti
"Ölkəmizə qara hədyanlar yağdıran bu qüvvələrin məqsədi başqadır”
“Bu konfrans çağdaş dövrümüzün ən uğurlu hadisəsi kimi öz nəticəsini göstərəcək"
