İrana casusluq edirmiş
İsrailin müdafiə naziri Beni Qantzın evində xidmətçi işləyən şəxs İrana casusluq etməkdə şübhəli bilinərək həbs edilib.
Bu barədə İsrailin Ümumi Təhlükəsizlik Xidməti (ŞABAK) məlumat yayıb.
Belə ki, ŞABAK və İsrail Polisinin həyata keçirdiyi əməliyyat nəticəsində 2021-ci ilin noyabrında müdafiə nazirinin evində təmizlik işləri aparan İsrail vətəndaşı Omri Qoren dindirilmək məqsədi ilə həbs edilib.
Aparılan istintaq nəticəsində məlum olub ki, Omri Qoren həbs olunmazdan bir neçə gün əvvəl öz təşəbbüsü ilə sosial şəbəkələr vasitəsilə İrana dövlətinə bağlı bir qurumla əlaqə saxlayıb və nazirin evində çalışdığını bildirərək müxtəlif yollarla qarşı tərəfə yararlı ola biləcəyini söyləyib.
Xidmətçi İranın xüsusi xidmət orqanlarına Beni Qantzın kompüterlərinə zərərli proqramlar yükləməyi təklif edib.
Şübhəli qismində saxlanılan şəxs niyyətinin və imkanlarının ciddiliyinə sübutu olaraq nazirin evindəki müxtəlif otaqların fotoşəkillərini, o cümlədən B.Qantsın kompüterinin şəklini göndərib.
İsrailin Ümumi Təhlükəsizlik Xidmətinin (ŞABAK) yaydığı açıqlamada vurğulanır ki, Omri Qorenin dövlət əhəmiyyətli məlumatlara çıxışı olmadığı üçün dövlət sirlərinin sızması baş verməyib.
Xəbər lenti
Azərbaycanla Ermənistan arasında 28 sərhəd dirəyi QURAŞDIRILIB
Dövlətin ekspert qruplarının işi davam edir