Baş məşqçi İtaliya klubunda hansı futbolçunu bəyənir?

“Yeni il üçün ilk hədəfimiz UEFA Millətlər Liqası olacaq”.

Versus.Az xəbər verir ki, bunu futbol üzrə millimizin baş məşqçisi Canni De Byazi İtaliya mətbuatına müsahibəsində deyib.

65 yaşlı mütəxəssis C Liqasının 3-cü qrupunda Slovakiya, Belarus və Qazaxıstan - Moldova cütünün qalibi ilə üz-üzə gələcəklərini xatırladıb: “Məqsəd qrupu ilk iki pillədə başa vurmaqdır. Biz bunu bacara bilərik”.

Müxtəlif vaxtlarda ölkəsində “Torino” komandasının sükanı arxasında olmuş italiyalı baş məşqçi “Bu klubun futbolçusuna Azərbaycan pasportu verə bilsəydiniz, kimi seçərdiniz” sualını da cavablandırıb:

“Sayları çox olardı. Amma mən Qleyson Bremeri deyirəm. O, sözsüz ki, məhsuldarlığı baxımından A Seriyasının ən yaxşı müdafiəçilərindən biridir. Əla zərbələri var, liderdir və qol vurmağı bacarır. Mükəmməl oyunçudur”.

Qeyd edək ki, 24 yaşlı Qleyson Bremer mərkəz müdafiəçisidir.