Əlabbas Məhərrəmli: “Görüş keçirilməsə də, indidən əks fikirlər səslənməyə başlayıb”

“Toplantıya dəvət edilən siyasilərin hamısının o tədbirdə iştirak edəcəyi qənaətində deyiləm. Cünki həmin partiya sədrləri arasında bir-birilərini qəbul etməyən siyasətçilər çoxdur. Hər halda, onlardan neçəsinin görüşə qatılacağını görəcəyik”.

Bunu Versus.Az-a siyasi ekspert Əlabbas Məhərrəmli  “bozqurdçu” İsgəndər Həmidovun “müxalifətin zirvə görüşü” ilə bağlı təşəbbüsü və 30 siyasi partiya sədrinə edilən dəvətlə bağlı açıqlamasında bildirib.

Müxalifətin “zirvə görüşü” ilə bağlı məlumatı mətbuatdan aldığını deyən Ə.Məhərrəmli  hələ ki, görüş keçirilməsə də, bu barədə indidən əks fikirlərin səsləndiyini, sosial şəbəkələrdə partiya fəalları arasında gərgin polemikanın  aparılmasına diqqət çəkib:

“Adları siyahıda olan siyasətçilərin 36-sı yox, 6-si belə  müsbət qərar versə, tədbir baş tuta bilər. Cünki onların arasında aparıcı mövqeyə çıxmaq üçün çalışan təşkilatlar var. Əgər baş tutacaqsa, görüşün təyin olunduğu gün bütün bu məqamlara aydınlıq gələcək”.

SEVDA
Versus.Az