Elazığda millət vəkilinin kitablarının təqdimatı olub

Türkiyənin Elazığ vilayətində Qənirə Paşayevanın qardaş ölkədə yeni çapdan çıxmış “Turan yolçusu” və “Aşk yolçusu” kitablarının təqdimatı və imzalanma mərasimi olub.

Versus.Az-ın məlumatına görə, Elazığ Kültür Mərkəzində keçirilən imza mərasimində çoxlu sayda ziyalılar, gənclər, jurnalistlər iştirak ediblər. Tədbirdə iştirak edənlərə və media mənsublarına təşəkkür edən millət vəkili Qənirə Paşayeva özəlliklə gənclərin imza mərasiminə qatılmasından məmnun olduğunu deyib. Bu kitabların gənclərimiz arasında türk dünyasını daha yaxşı tanımağa öz töhfəsini verə biləcəyini deyən millət vəkili daha sonra kitablarını oxucular üçün imzalayıb, gənclərin müəllifi olduğu kitablarla bağlı suallarını cavablandırıb.

Q.Paşayeva noyabr ayının sonuna doğru Türkiyənin daha iki vilayətində Düzcə və Samsunda da kitabların təqdimat və imzalanması üçün dəvət aldığını və iştirak edəcəyini söyləyib.