Razi Nurullayev: "Göndər nümayəndəni və gətir vətəndaşlarını"
"Rusiya ilə Azərbaycan arasında hava xətti Rusiyaya tətbiq edilən sanksiyalar üzündən dayanıb. Yüzlərlə vətəndaşımız isə Rusiya-Azərbaycan quru sərhədində - Maxaçqala yaxınlığında düşərgədə gözləməli olur".
Versus.Az xəbər verir ki, bunu şəxsi "facebook" hesabında Milli Cəbhə Partiyasının sədri, deputat Razi Nurullayev bildirib.
Deputat vurğulayıb ki, kimin pulu var, bir yol tapıb baha qiymətə Minsk, Türkiyə və digər yollarla Azərbaycana gələ biləcək:
"Kasıbçılıq, dolanışıq dalınca Rusiyaya gedən, indi isə vətəninə qayıtmaq istəyənlər pis vəziyyətdə qalıblar. Rusiyada iş yox, daha geri qayıdırlar, vətən də deyir, gözlə düşərgədə. Nə çətinlik var axı burada? Göndər nümayəndəni və gətir vətəndaşlarını. Öz vətəndaşlarımıza ən böyük hörməti qoymalıyıq. Rusiya rəsmiləri görməlidir ki, biz öz vətəndaşımıza nə qədər dəyər veririk".
Razi Nurullayev Azərbaycan vətəndaşlarının düşərgədə qalıb Azərbaycandan gələcək nümayəndəni günlərlə gözləməsinə çox pis yanaşdığını qeyd edib:
"Öz vətəndaşına hörmət qoymamaq nə deməkdir? Onlar niyə orada gözləməlidilər?"
SEVDA
Versus.Az
685 |
Siyasət
