Bakı üçün xüsusi əhəmiyyət kəsb edən FORUM
Rəşad Bayramov: “Forum təkcə Azərbaycanı deyil, bütün dünyanı düşündürən məsələləri ehtiva edir"
Xəbər verildiyi kimi, Azərbaycan Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə “Qlobal dünya nizamına təhdidlər” mövzusunda Qlobal Bakı Forumu keçirilib.
Sayca 9-cu olan Bakı Forumunda qlobal əhəmiyyət kəsb edən məsələlər müzakirə olunur. Forumun Bakı üçün əhəmiyyəti nədir?
Versus.az xəbər verir ki, bu istiqamətdə vəziyyəti hafta.az'-a şərh edən politoloq Rəşad Bayramov bildirib ki, Qlobal Bakı Forumu dünyada cərəyan edən vacib məsələləri müzakirə edən mühüm platformadır və Bakı üçün xüsusi əhəmiyyət kəsb edir.
"Çünki bu platforma müxtəlif xarici dövlətlərin keçmiş hökumət və dövlət başçılarını, eksperlərini öz ətrafında birləşdirir. Məlum olduğu kimi qlobal Forumun əsas təşkilatçısı kimi çıxış edən beynəlxalq mərkəz öz sıralarında Avropa qitəsinin 25 ölkəsindən, Amerika qitəsinin 2, Asiya qitəsinin 12, Afrika qitəsinin 4 ölkəsindən ayrı -ayrı görkəmli şəxsləri öz ətrafında birləşdirir. Forum təkcə Azərbaycanı deyil, bütün dünyanı düşündürən məsələləri ehtiva edir. İndiki Rusiyanın Ukraynaya təcavüzü dönəmində, Yunanıstanın Türkiyə ilə gərgin münasibətləri fonunda Forum daha əhəmiyyətli status alır"
Politoloq bu gün Bakının dünyada cərəyan edən prosesləri müzakirə etmək üçün vacib məkana çevrildiyini qeyd edib. Onun sözlərinə görə, bu faktın özü də mühüm məqamdır.
" Bu Forumda dünyanın nəhəng intellektual potensialı cəmləşib. Zəngin təcrübəli şəxslərin bir araya toplaşması forumun əhəmiyyəyini artırmaqla, müzakirə olunan məsələ ilə bağlı müəyyən bir yol xəritəsini cızır". /hafta.az/
TAHİRƏ
Versus.az
Xəbər lenti
Azərbaycanla Ermənistan arasında 28 sərhəd dirəyi QURAŞDIRILIB
Dövlətin ekspert qruplarının işi davam edir