erməni vandallığı və hüquq
Əlövsət Allahverdiyev: “Onlar çirkin planlarını bu gün də gerçəkləşdirməkdə davam edirlər”
Ermənistanın barışın tərəfdarı olduğunu düşündüyümüz halda, əks həmləsini müşahidə etdik. Görünən odur ki, Ermənistan təcavüzkar niyyətindən əl çəkmir, üçtərəfli sazişə əsasən üzərinə götürdüyü öhtəliklərini yerinə yetirmir, dinc insanlara qarşı qətliamlar törətmək hərisliyi soyumur.
Versus.az xəbər verir ki, bunu hüquqşünas Əlövsət Allahverdiyev Ermənistanın Azərbaycanın sərhəd kəndlərini, hərbi postlarımızı atəşə tutması, ŞƏHİD olan hərbi qulluqçularımızla yanaşı, mülki vətəndaşlarımızın qətlə yetirilməsi, dağıntılar yaratması ilə bağlı açıqlamasında bildirib.
Hüquq eksperti bildirib ki, ermənilər 30 il ərzində Azərbaycana qarşı törətdikləri cinayətləri bu gün də davam edir:
“Erməni qatillərinin Qarabağda insanlarımızı necə yatdığı yerdə öldürməsi, dinc-mülki əhaliyə qarşı soyqırım törətməsi bir fakt olaraq ortda. Ermənilər mülki əhalimizi qırğınlara məruz qoymaq kimi planları bu gün də gerçəkləşdirməkdə davam edir. Birmənalı şəkildə qəbul etməliyik ki, düşmən heç vaxt humanist olmayacaq. Azərbaycana qarşı düşmən münasibətində dəyişikliyə imkan yaratmayacaq. O baxmdan biz müdafiə olunmaq üçün mövqelətimizi gücləndirməliyik”.
Ə.Allahverdiyev təəssüflə qeyd edib ki, Ermənistanın Azərbaycana qarşı təcavüzkar siyasətini birməmnalı şəkildə qəbul etməyən, münaqiişəyə uzun illər ikili yanaşan bir sıra dövlətlərin rəsmi nümayəndləri bu gün də Azərbaycanın öz ərazilərində özünü müdafiəsi sistemində atdığı addımları bəyənmədiklərini ifadə edən bəyanatar verirlər. Hüquqşünas bildirib ki, Azərbaycanın haqq işinin hansısa formada “təcavüz” kimi qiymətləndirilməsi cəhdləri var ki, bu qəbuledilməzdir:
“Mən bu cür ikiliyanaşmalarla çıxış edib təcavüzkarı dəstəkləyən insanları qınayır və Azərbaycanın özünümüdafiə hüququnun olmasını xatırlatmaq istəyirəm: Beynəlxalq hüquq Azərbaycan dövlətinə imkan verir ki, özünü təcavüzdən, hücumlardan, təhlükələrdən müdafiə etsin”.
Hüquqşünas Ermənistanın həmişə olduğu kimi yenə də tək hərbçiləri deyil, həm də mükli şəxsləri də hədəfə alıb:
“Mülki şəxslər arasında dünyasını dəyişən, yaralananlar var. Beynəlxalq Humanitar Hüquq normalarına görə mülki əhali heç bir halda hücuma məruz qalmamalıdır. 1949-cu il müharibə qurbanlarına dair konvensiyada da konkret göstərilir ki, dinc mülki əhalinin təhlükəsizliyi təmin olunmalı və onlar silahlı münaqişə zonasından uzaqlaşdırılmalıdır. Amma biz yenə də Ermənistan silahlı qüvvələrinin körpələri, qadınları, qocaları öldürməsini müşahidə edirik. Bu müharibə cinayətləridr. Beynəlxalq hüquq qaydalarına qəsd olan bir cinayətdir. Dünya ölkələri bunu gördüyü halda susur. Yenə də öz ampluasında qalırlar”.
Ə.Allahverdiyev qeyd edib ki, beynəlxalq hüququn prinsiplərinin pozulduğu bu məkanda bu gün Azərbaycanın özündən və Türkiyədən başqa müdafiəçisi yoxdur:
“ Biz özümüzü müadfiə eləməliyik. Məhz illərlə beynəlxalq hüququn biziə verdiyi imkanlardan istifadə etmədiyimizə görə belə bir vəziyyətə gəlib çıxmışıq. Hüququn bizə verdiyi imkanlardan istifadə edib özümüzü müdafiə etmək istiqamətdinə tədbirlər görməliyik, görürük. Düşünürəm ki, düşmən ağıllanmayıb geri çəkilmək niyyətində deyil. Oörə də əminəm ki, Ordumuza təmizləmə əməliyyatını uğurla başa çatdıracaq”.
LƏMAN
Versus.az
Xəbər lenti
Azərbaycanla Ermənistan arasında 28 sərhəd dirəyi QURAŞDIRILIB
Dövlətin ekspert qruplarının işi davam edir