"O zaman bələdiyyələri də ləğv etmək lazımdır"

13:40 30-09-2022 | icon 321 | Siyasət
"O zaman bələdiyyələri də ləğv etmək lazımdır"

Razi Nurullayev: "Müvafiq qanunlara dəyişikliklər edək, məsələ kökündən həll edilsin"

 

Millət vəkili Razi Nurullayev Milli Məclisin bugünkü iclasındakı çıxışında Bələdiyyələrin 2006-2007-ci illər arasında verdiyi torpaq və mülk sənədlərinin taleyinin həll edilməsi barədə məsələnin də müzakirəsini və problemin kökündən həll edilməsinin də payız sessiyasında müzakirə edilməsini istəyib.

 
 
Versus.Az xəbər verir ki, deputat Bələdiyyələrin bu illər ərzində iş adamlarına və vətəndaşlara torpaq alqı-satqısı və icarəsi haqqında sənəd və ödəniş qəbzi verdiyini qeyd edib.
 
 
Razi Nurullayevin sözlərinə görə, indi o qəbzlər Əmlak Məsələləri Dövlət Xidməti tərəfindən qəbul edilmir:
 
 
"Səbəb kimi də göstərirlər ki, o vəsaiti gərək bələdiyyələr öz büdcəsinə yox, Əmlak xidmətinin xəzinədarlığına ödəyərdi. Nə iş adamı, nə də vətəndaş bələdiyyə sənədi və qəbzləri ilə hüququnu bərpa edə bilmir. Bələdiyyə sənədləri tanınmır, deyirlər ki, mənasız kağız parçasıdır. Çoxları məhkəmələrə də baş vurur, hüquq firmalarına müraciət edir və məsələ yenə də həll edilə bilmir".
 
 
R.Nurullayev bildirib ki, əgər bələdiyyənin verdiyi sənəd, qəbz tanınmırsa, o sənəd və qəbzlərlə bağlı ləğv qərarı verilsin, vətəndaş və iş adamlarına da kompensasiya ödənilsin:
 
 
"Bələdiyyənin verdiyi sənədləri tanımırıqsa, belə çıxır ki, o zaman bələdiyyələri də ləğv etmək lazımdır. Çox ciddi və minlərlə insanı gecə-gündüz narahat edən məsələdir. Təklif edirəm ki, bu məsələnin araşdırılması ilə bağlı göstəriş verilsin və addımlar atılsın. Müvafiq qanunlara dəyişikliklər edək və məsələ kökündən həll edilsin".
 
 
PƏRİ
Versus.Az

Xəbər lenti

InvestAZ

Ən çox oxunan xəbərlər

Vahid Hacıyev QDF-in donorları ilə görüşüb

Ağız yaralarından qurtulmaq MÜMKÜNDÜR

Fuad Əliyevdən QƏTİ ETİRAZ

“Azadlıq fədaisi”nin növbəti mükafatçısı - SORĞUYA START

“Azərbaycan düşmənin layiqli cavabını vermək gücünü özündə saxlayır”

"Bu gün Ermənistan narahat olmalıdır"

Gələn il yeni təqaüd təsis ediləcək

İrandan “Bakıya Xəzərdən hücum” MESAJI

"Laçında bərpa işləri sürətlə davam edir"

Erməni silahlılar Qarabağdakı mövqelərimizi atəşə tutdular

“Madrigal” Bakıya gəlir

 

Brüssel görüşündən imtina... -siyasilərdən birmənalı mövqe

Kəlbəcər, Laçın və Ağdamdakı mövqelərimiz ATƏŞƏ TUTULUB

DTX Naxçıvanda daha bir qurumda əməliyyata başladı

Şuşa könüllüləri Şuşa üçün hazırlaşırlar