"Qurumların birləşdirilməsi artıq xərclərin aradan qaldırılmaına gətirib çıxarar”
Təhsil şöbələrinin ləğvi məktəbləri müstəqilləşdirəcək.
Versus.Az AzEdu.az-a istinadən xəbər verir ki, bunu açıqlamasında Milli Məclisin deputatı Fazil Mustafa deyib.
Qeyd edək ki, Təhsil Nazirliyi rayon və şəhər təhsil şöbələrinin ləğv edilərək onların bazasında regional təhsil idarələrinin yaradılmasına başlanılması ilə bağlı məlumatlara münasibət bildirib.
Verilən məlumata görə, nazirlikdən cavab olaraq məlumatı nə təsdiq, nə də inkar etməyiblər.
Bəs yerli təhsil şöbələrinin ləğvi Azərbaycan təhsil sisteminə nə cür təsir edə bilər?
Fazil Mustafanın bu suala cavabı maraqlı olub.
“Təhsil şöbələrinin ləğvinin elə də problem yaradacağını düşünmürəm, əksinə, məktəblər daha da müstəqilləşəcək.
Hər halda regional qurumların yaradılması daha məqsədə uyğundur. Hər kiçik rayonda bir şöbənin olmasındansa, 10 rayon üçün bir qurumun yaradılması daha düzgündür. Bu struktur islahatların bir hissəsidir.
Başqa sahələrdə bu istiqamətdə müəyyən addımlar atılacaq”.
F.Mustafa əlavə olaraq, son günlərdə edilən struktur dəyişikləri barəsində də danışıb:
Elektron Hökumət modeli istiqamətində müəyyən boşluqların olduğunu nəzərə alsaq, bu sahədə də işlərin tənzimlənməsində müəyyən çətinlikləri ortaya çıxa bilər. Ümid edək ki, belə islahatlar çevik idarə etməyə gətirib çıxaracaq və ümum işin faydasına olacaq.
Bir-birini təkrarlayan, mənasız qurumların aradan qalxması üçün digər sahələrdə də belə islahatların həyata keçirilməsi vacibdir.
Funksiyaları eyni bir mərkəz tərəfindən həyata keçirilə bilən qurumların birləşdirilməsi əlavə bina, avtomobil kimi artıq xərclərin aradan qaldırılmaına gətirib çıxarar”.
Versus.Az
Xəbər lenti
Rusiyaya məxsus helikopter aerodromda məhv edildi
Helikopter Rusiya Ordusunun logistik ehtiyaclarını və təxliyə...