Millət vəkili tanınmış təşkilat rəhbərləri ilə Qarabağdan danışıb
Milli Məclisin deputatı Qənirə Paşayeva Avstriya, İsveç və İsveçrənin tanınmış təşkilat və QHT rəhbərləri ilə görüşüb.
Versus.Az-ın məlumatına görə, Qənirə Paşayeva görüşdə Azərbaycanda qadınların cəmiyyətdə rolunun artırılması istiqamətində görülən işlər, ölkəmizin Birinci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolu barədə danışıb, Azərbaycan mədəniyyəti, iqtisadi və turizm potensialı ilə bağlı məlumatlar verib.
Millət vəkili eyni zamanda Avstriya, İsveç və İsveçrə heyətinə Ermənistanın işğal etdiyi Azərbaycan torpaqlarında törətdiyi vandalizm aktları ilə bağlı faktları sadalayıb. Nümayəndə heyətinə 1 milyon azərbaycanlının, yüz minlərlə azərbaycanlı qadının Ermənistanın işğalı nəticəsində öz yurd-yuvalarından qaçqın və məcburi köçkün düşməsi və onların fundamental insan haqlarının bu gün də Ermənistan tərəfindən pozulmaqda davam etməsi, rəsmi İrəvanın yüz minlərlə azərbaycanlı qaçqın və məcburi köçkünün 20 ildən artıqdır ki, öz ev-eşiyinə dönməsinə imkan verməməsi barədə ətraflı məlumat verən Q.Paşayeva vurğulayıb ki, dünyanın harasında yaşamasından asılı olmayaraq bütün qadınlar, xüsusilə də beynəlxalq aləmdə nüfuzlu qadınlar Ermənistanın törətdiyi bu kimi vandalizm aktlarına seyrçi qalmamalı və buna qarşı öz etiraz səsini ucaltmalıdır.
Millət vəkili görüşün sonunda nümayəndə heyətinə Azərbaycan mədəniyyəti ilə bağlı hədiyyə və materialları təqdim edib.
Xəbər lenti
Rusiyaya məxsus helikopter aerodromda məhv edildi
Helikopter Rusiya Ordusunun logistik ehtiyaclarını və təxliyə...